حكايتي: أهل الشاب الذي أحبّ أجبروه على الخطبة

أنا تجوزت وعمري ١٥ سنة وتطلقت بعد شهرين والله قدّر انه يكون عندي بنت ، بعد ٤ سنين حبيت شخص كان عزابي وأكبر مني بسنة كنت ١٩ وهو ٢٠ حبينا بعض ودامت العلاقة ٨ سنين عاملني زي بنته وكان سندي بكل شيء استندت عليه بشكل لو كل الدنيا تكون ضدي واتذكر وجوده أرتاح واحكي لنفسي المهم أنّه معي ولكن الذي صار انو اهل حبيبي رفضوني مرة ومرتين وتلات ويحكولو ما بتاخدها ومستحيل نوافق كنا نترك على اساس انو كل واحد يحاول يعيش ويشوف حياته بس التنين ما عم نقدر نتأقلم او نعيش من غير بعض بكل مرة نترك نرجع لبعض وقبل شهر كانت خطبته حجزوا قاعة ووضعوه تحت الأمر الواقع ومن كثرة الحكي فوق راس والد حبيبي رافض زواجنا وامه واخوته وكل الي حواليه انه الكل تجوز الا انت وهذا الحكي وفي الآخر أهل حبيبي أجبروه على الزواج وانا لليوم لا قادرة اتأقلم ولا قادرة كمل حياتي وكلت امري لربّي بس تعبت وصلت لمرحلة عايشة بس ميتة اكتئاب، قولون عصبي، تعب، ارهاق! خسرت صحتي وما عم أعرف اطلع من الضغوطات بس بدي حل