دردشة مع الدكتورة سماح.. صراع الطول بلسان العلم 🧡

مقالات ذات صلة

ما هو التسمم الوشيقي عند الرضع؟

بيدوفيليا معناها وأسبابها وفقاً للعلم

علاج زكام الأطفال بين الأدوية الأعشاب

👨‍💼 يا سنفورة يا زمكّة بتعرفي أنو بكرا بس بدك تتحممي رح صير جهزلك المغسلة بدل البانيو 🤣

👩‍🔬 سنفورة براسك حبيبي 🙂 أنا ماني سنفورة بس أنتَ طويل زيادة عن اللزوم يعني!

190 مو طول بني آدم طبيعي🤓هاد طول عمود كهربا 😉

👨‍💼 حاجتك بقى كلك عبعضك ما بتطلعي 150 سم ما بحقلك تحكي 😋

👩‍🔬 هوي أنا حابة سكتك بالعلم بس للأسف أنو العلم لصالحك هالمرة وفعلاً الذكر #متوقَع دوماً يكون أطول من الأنثى 🙂

👨‍💼 كيف يعني يا حبيبتي الدكتورة؟

ما ممكن البنت تكون أطول من الشب.. صح؟

👩‍🔬 أي صح بس في نقطة أنو نحنا بعياداتنا بس يجينا مريض على حسب جنسو منحسب طولو المتوقع ودوماً منحسب حساب #فرق_الطول_الإحصائي بين الذكر والأنثى.

👨‍💼 أوف أوف وليش بالله في هالفرق؟

👩‍🔬 ليش.. لأنو يا حبيبي الأنثى بتبلغ أبكر من الذكر فبتخسر نتيجة هالحادثة 5 سم من طولا ووقت بتنتقل من الطفولة للبلوغ بما يسمى علمياً #نشبة_البلوغ بكون عندها هالنقلة كمان أبكر من الذكر فبتخسر 8 سم من طولا 🙂

لهيك دوماً وقت تجينا طفلة منقيس طولها بأنو نجمع طول الأم مع #المكافئ_الأنثوي_لطول_الأب يعني طولو ناقص 13 سم.

وإذا أجانا طفل منجمع طول الأب مع #المكافئ_الذكري_لطول_الأم يعني طولو زائد 13 سم.

👨‍💼 يعني حبيبي نحنا كيف بيطلع طول ابننا وبنتنا؟

👩‍🔬 إذا أنا 160 وأنتَ 190

البنوت : (160+177) ÷ 2

الصبي : (173+190) ÷ 2

رياضيات كمل لحالك..

👨‍💼 يعني هلق قاعدة أنو الصبي يطلع أطول؟

👩‍🔬 لك طبعاً لاء قصة الطول الها علاقة بكتير عوامل منها الوراثة، التغذية، العامل النفسي، البيئة، المناخ

بس أنا عم احكيلك عن #العمر_الوالدي_المتوقع يعني توقعات متل ليلى عبد اللطيف 😂

👨‍💼 ممكن تشرحيلي كيف عامل نفسي بيأثر بالطول؟

يعني إذا زعلنا ابننا بيقصر 😂؟

لا ما رح أشرحلك حتى تعترف أنو الطول ما الو علاقة بالذكا 🙂 لأنو كل طولك ما طلع قد ربع نص معلوماتي وذكائي 🧡😌🤫

المرة الجاية منحكي كمان 😉

كونوا بخير وضلوا اقرأوا طب وصحة  🧡

كنت معكم سَماح صالح محمد 🥀