دردشة مع الدكتورة سماح.. تصحيح مفاهيم وتوعية 🧡🧡

  • تاريخ النشر: الإثنين، 25 يناير 2021 آخر تحديث: الأربعاء، 27 يناير 2021
دردشة مع الدكتورة سماح..  تصحيح مفاهيم وتوعية ??
مقالات ذات صلة
دايت صحي لمدة شهر
دايت صحي
دايت لو كارب

👶 ماما يا ماما اليوم موضوع الخطاب كتير مهم وكتير حسّاس وبيستوجب منك آذان صاغية ومرّكزة تمام 😳 اليوم صار عمري ٦ شهور وصار لازم خبرك عن أكلاتي المفضّلة منشان نضل متفاهمين وما أصرع راسك بالنق والواع والويع 😌

👶 أول شي يعطيكِ العافية والخير وكل الحب على ال٦ شهور اللي مضوا واللي كان فيها حليبك هوي أساس حياتي ويلّي لولاه لا قويت ولا عشت ولا وصلت لهون والحمدلله يا ماما أنك ماما واعية وسمعتي كلامي ولا دخلتيلي شي مع حليبك فشكراً مامي 🧡

👶 هلق صرت بعمر ما بقى أقدر أشبع بحليبك لحالو وصار الوقت المناسب لبلش اكتشف #أكل_هالدني بس خلينا نتفق عشي أنو أنا لهلق ما بعرف إلا مصّ وأبلع لهيك كتير ممكن عذّبك بالبداية بأول كم يوم وكم أكلة لأتعود أعرف أنا ودماغي وعضلاتي وفكي كيف نمضغ!

👶 كمان الواحد يا ماما ببلش السلم درجة درجة فمو معقول نبلش استكشافنا بصحن ملوخية ويبرق!

منبلش نكتشف أكلة أكلة على مهلنا وننطر بكل أكلة مندخلها جديد يومين ٣ لأعرف إذا أنا بتحسس منها أو ما بحبها لنلغيها 🤷‍♀️

👶 لازم يا ماما نتفق على أكلات تأمنلي كل الحاجات الغذائية يعني نعمل سوا #نظام_غذائي_متكامل.

فأنا مثلاً بحاجة الطاقة والفيتامينات يلي منشوفهن كتير بالسيرلاك والبرغل أكتر من الرز المسلوق يلي بتدحشيه فينا عالطالعة والنازلة 😂💔 فخلينا نصحح سوا ونصير نعطي برغل بدل الرز وسيرلاك نتأكد من محتواه الغذائي المتكامل واللي يفضل يكون مدّعم بالحديد.

أنا بحاجة البروتين النباتي والفيتامينات مرة تانية يلي منشوفهن بالحمّص والفاصوليا والبازلا.

أنا بحاجة الخضرا لا بد ويفضل تقدميلي ياها مهروسة 😋 ولازم تكون مو مسلوقة بمي وإنما مطبوخة عالبخار منشان ما تروح عناصرها الغذائية.

وبحاجة الفواكه وأكتر نوعين بحبن التفاح والموز وكمان مهروسين والتفاح بدون قشر ها.. وخلينا يا ماما نبعد عن الدراق والفريز لأني بهالعمر ممكن أتحسس منهن فبلاهن 🤓

ولأنو صعب علينا يا ماما نشتري لحمة فمنعوض عنها بالجاج أو البيض.. ولأننا بحاجة الكلس فمهم ناكل لبن ولبنة وانتبهي ما تلحسيني جبنة بهالعمر لأنو فيها حموض دسمة تقيلة عمعدتي 💔

👶 خليني ذكرك يا ماما أني بهالعمر لساتني بحاجة حليبك ها فبدك تضلي عم ترضعيّني وكمان لازم تعرفي أنو جهازي الهضمي #فصعون_متلي فحرام تطعميني أكل البيت.. هاد ما بتطعميني ياه إلا بعد السنة ونص 🧡

👶 بعمري هلق ولل٨ شهور بدي وجبتين ل٣ وجبات باليوم منوعــات بالعناصر الغذائية وبعمر ال٩ ل١١ بدي ٣ل٤ وجبات ويفضل تكون الكمية صغيرة يعني نص كاسة كبيرة عالوجبة بس ومنبلش نزيد تدريجياً 🙆‍♀️

👶 بالنهاية لازم نكون يا ماما غيورين على بعض وخاصةً بموضوع الكرش 🤫 مو مين ما كان بيدحشلي لقمة من هون بيلحوسلي من هون 😡 أنتِ وبس المسموح الك تتحكمي وتضبطي كرشي وعملية نماءه 😌 #هالخدود_المارشميلو أمانة بأيديكِ حافظي عليهن 🤓

وأنا أمانة بقلبك الحنون يلي بعرف وبدون ما أحكي أني بس جوّاتو حكون بخير ومبسوط 🧡 ومنرجع هلق لتناغمنا الأسري تعالي بوسيني وضميني ونيميني لأني تعبت من الحكي.. وبحبك 🧡

كنت معكم الدكتورة سَماح صالح محمد 🧡