دردشة مع الدكتورة سماح.. تصحيح مفاهيم وتوعية 🧡

  • تاريخ النشر: السبت، 23 يناير 2021
دردشة مع الدكتورة سماح.. تصحيح مفاهيم وتوعية ?
مقالات ذات صلة
الخجل واحمرار الوجه
الفرق والتشابه بين الخلية الحيوانية والنباتية
طرق التغلب على الخجل

👶 بونسوار مامي 🧡 لا تطّلعي هيك بعيوني وتقوليلي جاي عبالي آكلك 🤫 اسمعيني لأني هلق رح طالب بحقوق أكلي أنا وكل زملائي بمهنة اللطافة والكياتة 😂😋

👶 أول شي يا مامي أنا وقت بخلق وبكون عمري نتوّفة بكون لسا ما بعرف غير أني مصّ وأبلع لأكل .. هاد يلي متعلمو جواتك بفضل #سائلي_الأمنيوسي الحبيب 🤷‍♀️ ولحتى تقوى رابطة الحب بيني وبينك ولحتى أقدر قول لأكلي جواتك تعا تعا 😂 لازم فوراً ومن أول ما بصرخ صرختي الأولى تحطيني على صدرك تخليني حس فيكِ وبدفاكِ وحنيتك 😵 لأنو بهالطريقة وبفضل مصي لحلمة الثدي بساعد المعمل على الإنتاج والتفريغ 🤷‍♀️

أنا حقيقةً وخليها بيناتنا وبلا فضايح بكون عم صرخ #أنا_جوعان 😂🧡

👶 رح تشوفي مادة لونها أصفر وتقيلة الكثافة وكميتها قليلة بتسميها #الصبغة والدكاترة بسموها #اللبأ.. المهم أنو أنتِ بتروحي بتكبيها الله يسامحك 🙂

مامي لا تكبيها.. هالمادة عظيمة جداً لمناعتي فيها أضداد كتير وفيها بروتين كتير كمان وضروري ضروري تطعميني ياها لأنها بتحميني من الجراثيم المعادية.

👶 حتضل هي تنفرز شي ٤ أيام وباليوم الخامس أو السادس ببلش يطلع الحليب يلي بتعرفيه بالعادة وهون يا مامي ضروري خبرك شي.. وقت بترضعيني ببين معك أول دفقة عم يطلع حليب متل المي شفاف خفيف فبتفكريني ما عم أشبع.. مامي أول دفقة فيها مي زيادة والهدف أني أروي عطشي بعدين بصير الحليب أكثف وفيه دسم لأشبع فأوعك تشيليني من عالرضعة قبل ما فرّغ المعمل كلو 🤫🧡

👶 شفتي قديه ذكرتلك مواد موجودة بمعمل الحليب الغالي على قلبي 😂 لهيك يا مامي أنا لحد ال٦ أشهر بكفيني حليبك وفقط حليبك وفقط فقط فقط حليبك.. فيه مي فيه بروتين لأنمو فيه دسم لأشبع وأتطور فيه فيتامينات معادن وفيه محبتك وروحك الطاهرة يلي ما في أغلى منها 🧡

يمكن بتغيب شغلتين عنو فيتامين د وفيتامين ك وهدول بعوضلي ياهن عمو الدكتور بإشرافو 🤷‍♀️

بعد ال٦ شهور بصير ما عود أشبع من حليبك وهون بصير مسموح تدخليلي أكل ولأهمية وحساسية هذا الموضوع منحكي عليه بالتفصيل بعدين 😌

مهم تكملي رضاعة للسنة وممكن للسنتين أو ٣ بس المهم لا تحرميني حليبك أول سنة ولا تحرميني ياه بالليل لأنو يا مامي مو قصدي أنا أزعج نومتك وراحتك بس البرولاكتين بينفرز زيادة بالليل فبصير أشبع أكتر 😵🧡 مو حرام تجوعيني 💔

👶 مامي خليني أتفق أنا وأنتِ على #جلسة_الطعام بيناتنا.

أول شي قعدّيني وراسي مرفوع كرمال ما أتشردق 😵 وخلي تمي عم يحوش كل هالة الثدي اللحمة واللعوة كرمال ما وجعك يا نور عيوني 🧡 ولا تعتمدي على ثدي واحد.. طعميني من الأول ليخلص وانتقلي عالتاني ليخلص.. مهم يخلص ليرجع يعبّي 🤷‍♀️

👶 ما في وقت محدد لأكلتي حسب حاجتي وحسب شبعتي منك..

تذكري ماما كل ما كنتِ مرتاحة أكتر، أكلك منيح أكتر، نفسيتك رايقة أكتر، مانك قلقانة مانك زعلانة.. كل ما عطيتيني وطعميتيني بحب أكتر بشبع أكتر 🧡

سامحيني أنو عم عذبك معي كتير.. من أول ما الله بيأذنلي أخلق بصير أنا سبب لألمك ولقلقك ولقلة راحتك.. بصير مرتبط فيكِ ما بقدر عيش ولا أكل ولا أبقى بدونك 🧡

أنتِ مو بس ماما أنتِ الحياة كلا وكأنك الروح يلي الله نفخها بقلبي 🧡 يا حشيشة قلبي

كنت معكم الدكتورة سَماح صالح محمد 🥀