هل فكرت يوماً لماذا التثاؤب يعدي؟ دردشة مع الدكتورة سَماح ❤️❤️
هل فكرت يوماً لماذا التثاؤب يعدي؟ دردشة مع الدكتورة سَماح ❤️❤️
#تحذير : هاد المقال عم يحكي عن التثاؤب فإذا جاية عبالك تصحصح لا تقرأه لأنو حتى كاتبة المقال نعست وهيي عم تكتبوا ??
أول سؤال وأهم سؤال ليش التثاؤب بيعدي؟
يمكن حالة نفسية ?
فيديو ذات صلة
This browser does not support the video element.
أي بس المقصود هون أنو قال أنتَ بس تكون شخص متعاطف مع الآخرين وبهمك يلي قدامك فبأثر فيك التثاؤب فبتتثائب.. مو قصدنا وهم نفسي أبداً
المهم أنو كتير العلم حاول يفسر سبب التثاؤب وأهم مبرر أجا فيه أنو قال الدماغ بحاول يبرد حالو بأنو ياخد هوا أكتر ودعموا هالتبرير بدراسة لاقوا فيها أنو التثاؤب بقل كتير بالشتي ?
فكمان أحد التفسيرات لعدوى التثاؤب أنو دماغك ودماغ يلي عم يتثاءب قاعد بنفس درجة الحرارة فتنيناتكن مشوبين بس شوي عليها أسئلة هالتفسيرات لأنو أنت ممكن تنعدى من فيديو من مقال متل حالتك هلق ?
نعسنا يا جماعة ? بس معلش سماع مني لتقدر تكمل المقال قوم عمول تمارين تنفس عميق.. حاول تمشالك شوي ويفضل ياخدك طريقك للبراد تبرد مخك شوي لنقدر نكمل حكي..
أي وعهالسيرة الدماغ بس يمل ويتعب بيتبارد بشغلو فبصير ينزل من حرارتو من خلال التثاؤب.. لا تستقل بالأوكسجين يلي بيدخل بس تفتح مغارة جعيتا ? هي كلها بتقدر تنبه دماغك ووجهك ليفيقوا..
آخر تفسير يا جماعة ومننام.. أنو التثاؤب بمدد الرئتين وبيزيد عدد ضربات القلب وبشد العضلات والمفاصل فبكون رد فعل لا إرادي من الجسم ليحاول يفيق حالو ?
وهلق بقى حكولنا كم تثاؤب صابكن لكملتوا المقال هي إذا كملتوه وما نمتوا ?
كنت معكم سَماح صالح محمد ?
-
المحتوى الذي تستمتع به هنا يمثل رأي المساهم وليس بالضرورة رأي الناشر. يحتفظ الناشر بالحق في عدم نشر المحتوى.
هل لديكم شغف للكتابة وتريدون نشر محتواكم على منصة نشر معروفة؟ اضغطوا هنا وسجلوا الآن!
انضموا إلينا على منصتنا، فهي تمنح كل الخبراء من كافة المجالات المتنوعة الفرصة لنشر محتواهم . سيتم نشر مقالاتكم حيث ستصل لملايين القراء المهتمين بهذا المحتوى وستكون مرتبطة بحساباتكم على وسائل التواصل الاجتماعي!
انضموا إلينا مجاناً!