;

افهمي طفلك بعد عمر السنة

  • تاريخ النشر: الأربعاء، 16 يونيو 2021 آخر تحديث: الخميس، 04 نوفمبر 2021
افهمي طفلك بعد عمر السنة

#افهمى_طفلك 

الطفل من بعد السنة بتصير عنده تغيرات كتيرة ..

بيتحول من طفل #عبيط، قاعد ياكل يشرب وينام ويعيط
لواحد تاني بيعترض ويقول #لأ، ومش راضي يقعد عاقل وبيجري هون وهناك ومزهقنا وبدّه يمسك كل إشي ويلعب فيه .. ويفتح الأدراج ويدخل المطبخ وياخد منك موبايلك.  

الأم اللي إبنها هيك، هاي أم شاطرة وعرفت تدمج إبنها بالعالم اللي حواليه بسرعة، ومن حقها تفرح وتزغرت. لأنها عملت إنجاز رهييييييب .. في أمهات تانية للأسف تتمني إبنها يعمل ربع الشغلات هاي.  

هلأ بتجينا أم وبتقول " أنا شو لازم أعمل معاه ، لحتى اتجنب المخانقات والعِناد والمصادمات " ؟! 

- حاضر .. هقُلك إيش تعملي معاه ..
علشان نكون مُتفقين .. العِناد والصُراخ هيجي إمتى ؟!
هيجي لما هو يكون بده اشي وهاد الشي يا إما #خطر عليه أو إنتِ ما بدك تعطيه إياه أو هاد الشي بالأصل مش إله وما بخصه ..

 أولاً، الشغلات والأغراض الخطِره ...

ركزي معاي يا ستّ الكل ، من أول ما إبنك يوصل السن هاد، شيلي أي إشي خطر من قدامه ..

  •  نقفل فيش الكهربا ..
  • نرفع الشاشه في مكان عالي ..
  • نقفل الخزاين ..
  • نقفل المطبخ أو نخبي الشغلات الخطيرة زي السكاكين والمقصات والمنظفات وغيره واتركيه يلعب بالباقي ..

لو زبّطتي الدنيا هترتاحي منه وهتتركيه يلعب ويكتشف براحته من غير صراخ وعياط  ..

طب ثانياً .. ايش هم الشغلات اللي أنتِ ما بدك تعطيها اله ؟


مثلا الجوال .. ما بدك يصرخ ويطلبه منك ؟! معناته ما تمسكيه قدامه .. طب لو اخده منك؟ تتركيه يلعب فيه شويه وأول ما يغفل عنه، على السريع تخفيه بعيد عنه ولا من شاف ولا من دري ..

هلأ بتطلعنا وحده أو واحد من اللي قاعدين.. (جهله ولا يعرفوا إشي عن الطفولة وكيفية التعامل مع الطفل)
يقولولك شو الدلع هاد .. انت ما بتعرفي تربي .. أنا لو مكانك كنت أعطيته كفّ على وجهه، خليته يرنّ رنّ ..

ركزي معاي مش معاهم ولا كأنك سمعتي إشي .. هدول ناس ما بتفهم بتربيه الاطفال .. لو سمعتِ كلامهم إبنك هيطلع وحده من الاتنين ..

 1. عصبي وعنده عِناد وكل اشي هيطلبه بالصراخ والضرب ..
لانه طفل شخصيته قوية ومش هيتنازل ..

 2. هيسكت ويخاف وهتكون شخصيته ضعيفه بكرة .. وبعديها بسنتين تلاته تبدي تشتكي وتقولي شو أعمل لإبني عشان محدش يضربه ولحتى تكون شخصيته قوية !
قوية وين يا شيخة، بعد ما دمرتيها 

من الأخر حاولي تتجنبي أنك تدخلي في صدام معاه ..
خليكي #ذكية و شاطرة واعرفي تضحكي على إبنك ..

راح ولا جه بضل ولد صغير لسّاته ما طلع من البيضه ..

د. أحمد نيروخ ..
أخصائي طب الأطفال وحديثي الولادة ..