• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

بقيت انا الاستثناء وهما القاعدة

يناقش هذا المنتدى أهم المواضيع المتعلقة بالإعلام والفن، وأخبار الفنانين والإعلاميين والقاضيا الإعلامية المطروحة على الساحة في مختلف البلدان العربية
صورة العضو الشخصية
host_king 2010
عضو مشارك
عضو مشارك
مشاركات: 1851
اشترك في: الخميس فبراير 05, 2009 4:16 am

بقيت انا الاستثناء وهما القاعدة

مشاركةبواسطة host_king 2010 » الأربعاء أكتوبر 28, 2009 7:12 pm

السلام عليييكم :>

ازيكم يا شباب اخباركم ايه


واخبار مصر ايه


انا يعتبر مش بكتب هنا كتير مع انى بحب القسم ده جدا لان فى ناس محترمه جدا بتكتب فيه مواضيع قمه الروعه فشرف ليا انى اكتب الموضوع ده هنا



المهم بعد الرغى كتير :>


هحكلو حوار حصل معايا كده من فترة وشاغل بالي جدا ومخنووووق منه جدا

المهم

كنت انا واتنين اصحابى قاعدين فى يوم وبنتكلم والكلام جبنا كالعاده لماتش المنتخب بتاع مصر

وانا طبعا محديش يوصينى فى الكورة :> كنت بتكلم بحماس كبير عن فرص المنتخب المصرى فى الصعود


وفجاءة وقفنى واحد صحبى من الاتنين وسالى سؤال غريب

قالى لو خيروك ان منتخب مصر يصعد كأس العالم او انك تشتغل فى وظيفه كبيرة
بعد ما تتخرج هتختار ايه ؟ :shock:



انا تلقائى لقيت نفسى بقول


منتخب مصر يصعد :>

المهم طبعا ضحكوا عليا زى ما فى ناس قرت الاجابه وضحكت

قالى للدرجادى بحب الكورة

قلتله كورة ايه يا صحبى


انا بتكلم عن مصر يعنى لو قلولى ان الاهلى يبقى بطل العالم( والناس الى عارفانى يعرفو انا بحب الاهلى ازاى) او اعدى السنه دى هختار طبعا اعدى السنه دى :>

قالى يعنى انت بتقول كدع عشان بتبحب مصر
قلتله اة


ضحك




ضحك اكتر من الاول :shock:



انا استغربت قلتله انت بتضحك على ايه


قالى انت بتحب مصر

قلتله اة


بقيته بيضحك اكتر وصحبى التانى نفس الحكايه :shock:

سالته تانى انت بتضحك ليه


قالى يا بنى انت عبيط


هى مصر دى اديتك ايه عشان تحبها ولا عملتلك ايه عشان تحبها

قلتله انت قصدك انت مش تبحب مصر








قالى لا طبعا :shock: قالها وبكل برووود من غير حتى ما يستحى من غير ما يقلها حتى بصوت واطى


ده قالها وبكل ثقه وكانه شئ بيفتخر بيه

المصيبه



المصيـــــــــــــــبة

انه بيقولى على فكرة يا اسلام انت غريب انا بقال فترة مش شفت حد بيحب مصر زيك

قلتله يا صحبي انت مدرك انت بتقول ايه

قعد يضحك ويقولى اة يا عم انا نفسى اهج من البلد دى ومش عايز ارجعلها تانى بس تجيلى الفرصه هى مصر دى ادتك ايه اصلا انت مش شايف البلاوى الى فيها

قلتله يا صحبى انت بتتكلم عن حكومه مشاكل موجوده فعلا فى البلد بس ده مش له علاقه بحبك لمصر

قالى يا عم انت بتقول ايه بلدك دى افراد والافراد هما الى خربنها وانا مش باخد حاجه منها يبقى احبها ليه
ورجع يسالنى نفس السؤال يعنى انت بتحبها

قلتله اة


يضحوا عليا بردو

ويترئوا عليا
ويقوليلي ايه يا عم رأفت الهجان ويغنو اغنيه شيرين مشربتش من نيلها تريئه يعنى

قلتله يا صحبى دى فطرة انك تحب بلدك برغم كل الى فيها بس دى مصر
يسمعوا الكلام ده ويبصلولى بطريقه غرببه زى ما يكون جاى من كوكب تانى
ويضحكوا عليا :>


اسمعوا دى


قالى يااسلام

انا لولا عارف ان الجاسوسيه حرام



كنت اشتغلت جاسوس :shock:

قلتله للدرجادى انت بتكره البلد

قالى اة يابنى

انت الى غريب انا بقالى فترة مشفتش حد بيبح مصر وبيدافع عنها كده




انا بقيت غريب عشان بحب مصر


انا بقيت الاستثناء

وهما بقوا القاعدة

مع العلم صحبى ده خريج كليه هندسه وبيشتغل والتانى معايا فى كليه تجارة
يعنى متعلمين وميسورين الحال

وكرهين مصر

ايه ده



ايه الى احنا وصلنالوه ده

معقول وصلت بينا الدرجه انك تكره مصر وتقولها على الملاء وانا الى بقول انى بحبها بيضحك عليا وانى غرييييب واستثنائى :shock:


يوميها روحت والله ما كنت عارف انام مش عاشن كانو بيضحكوا عليا


عشان ده مش حال الاتنين اصحابى دووول


لا ده حال ناس مش قليلن فقدوا تمامااااااااااااااااااااااااااااااااا انتمائهم للبلد

مستعدين يبيعوا البلد
عندهم مفهم الوطنيه ان الوطن بس هو انك تاكل وتشرب وتتجوز فيه

على فكرة ده مش كل النقاش الى دار بينا
فى حاجات تانيه كتير يشيب لها الجبين مش قارد اقلها وعشان مطولش عليكو اكتر من كده
بس بجد انا حسيت بحزن رهيييب جوايا ان شبابنا وصل للدرجه دي


انه يكره بلده


ايوة بيكره بلده







بس انا ارجع واقول




بحبك يا مصر



واسف لو طولت عليكو

صورة العضو الشخصية
*Toq ELYasmin*
إداري سابق
إداري سابق
مشاركات: 8073
اشترك في: الأحد مارس 22, 2009 2:36 am

Re: بقيت انا الاستثناء وهما القاعدة

مشاركةبواسطة *Toq ELYasmin* » الأربعاء أكتوبر 28, 2009 7:32 pm

بسم الله الرحمن الرحيم

:shock: :shock:

بجد هو دة كان منظرى انا بجد مذهوله من كلامك مش قادرة استعوبه

صحيح فعلا فى ناس مش بتحب مصر ؟؟؟؟؟؟؟؟؟؟؟

طب ازاى وهى اللى احتضنته اول ماشاف الدنيا


غريزة حب الوطن دى زى حب الام زى الحب نفسه

دة الواحد لو سمع كلمة مش كويسه من حد غير مصرى على مصر بيموت من الغيرة وبيبقى عاوز يقتله

صحيح البلد فيها اشخاص وحكومات واعضاء فاسدة بس مصر هى البلد

هى المدارس والبيوت هى المأزن وهى الكنيسه

هى الحديقه وهى الشوارع هى الهوا هى الدفء وهى الامان هى الجدعنة فى ولادها غريزة بردو زى حب الوطن

تقدر تقولى لو سافرت برة مصر لو حصلك حاجة مين هيجرى عليك مين هيشيلك مين هيضمك

مش تلوم على مصر لوم على اللى بيشوهو صورة مصر عشان اغراضهم واهوائهم

تعرف بيقولو مش بنحب مصر ليه لانهم بيبصوا للبطاله

وهى مصر بردو اللى قالتلك تقعد تستنى لما الشغل يجيلك لحد عندك
ولا قالتلك روح سافر سفر غير شرعى وموت زليل وحيد

كينج بجد مش عارفه اطلع احساسى لان موضوعك مهم جدا واستفزنى بجد

فى النهايه

بحبـــــــــــــــــ،،ــــــــــــــــــــــك يامصــــــــــــــــــــ،،ــــــــر

صورة العضو الشخصية
طالب ابتدائي
صديق 12 شات
صديق 12 شات
مشاركات: 125
اشترك في: الخميس إبريل 16, 2009 11:03 am

بقيت انا الاستثناء وهما القاعدة

مشاركةبواسطة طالب ابتدائي » الأربعاء أكتوبر 28, 2009 8:01 pm

السلام عليكم

كيف الحال كينج؟

انا مش حتكلم عن مصر
حتكلم عن بلدي

اذا لم تكن مسؤول في الدولة.. عليك العوض
اذا لم تكن ظابط في الدولة.. عليك العوض
اذا لم تكن حرامي في الدولة..عليك العوض


اذا كنت تاجر كبير.. أعطهم 51% من دخلك سنوياً وهدية سيارة فاخرة عند كل مناسبة
اذا كنت موظف عادي.. لا تشتكي من اعراض انفلونزا الخنازير
اذا كنت آمر بمعروف وناهي عن منكر.. السكوت من ذهب


حقائق:
وزير العمل يقول==>ايش فيها لو تشتغل براتب 1500؟
*كلب الوزير يُصرف عليه دبل الراتب كحد أدنى

الشؤؤن الإجتماعية==>المطلقة تستحق المعونة المالية بعد أن تبلغ سن الأربعين
*طيب قبل الأربعين ماذا تفعل؟! أعتقد ستكون في السجن بعد أن تم القبض عليها تمارس دعارة مع وافد لتجد قوت يومها


اسف كسرت قلمي يجب أن أسكت.



كــم أحــبكـ يـا وطــني


أخي الفاضل
احكم بعقلك ولا تحكم بقلبك


لا تنسو>>>>ابتسمو من أجل الوطن ولو بالغصب

صورة العضو الشخصية
host_no7a
صديق 12 شات
صديق 12 شات
مشاركات: 128
اشترك في: الأربعاء سبتمبر 30, 2009 3:36 am

بقيت انا الاستثناء وهما القاعدة

مشاركةبواسطة host_no7a » الأربعاء أكتوبر 28, 2009 8:05 pm

فعلا الشباب اغلبيتها مابتحبش مصر




وبتقول عملت لينا ايه



لوبصينا هنلاقيها مننا احنا من الشعب



لاننا متاخرين فى كل حاجه وده بايدنا احنا



احنا عملنلها ايه ولا حاجه بلعكس
ماخرنهاوخلينها بلد متاخره من جهلنا


وبعدين ماحدش مابيحبش بلده


قول لى صحبك يااسلام




مصرى دى ادتنا جنسيتها من اول يوم



اتولدنا فيه ماشى




ومصر دى امنا كلنا




وتسلم ايدك اسلام :منيح



تقبل مرورى :23

صورة العضو الشخصية
host_king 2010
عضو مشارك
عضو مشارك
مشاركات: 1851
اشترك في: الخميس فبراير 05, 2009 4:16 am

Re: بقيت انا الاستثناء وهما القاعدة

مشاركةبواسطة host_king 2010 » الأربعاء أكتوبر 28, 2009 8:06 pm

[quote="host_yasmin22"]
بسم الله الرحمن الرحيم

:shock: :shock:

بجد هو دة كان منظرى انا بجد مذهوله من كلامك مش قادرة استعوبه

صحيح فعلا فى ناس مش بتحب مصر ؟؟؟؟؟؟؟؟؟؟؟

طب ازاى وهى اللى احتضنته اول ماشاف الدنيا


غريزة حب الوطن دى زى حب الام زى الحب نفسه

دة الواحد لو سمع كلمة مش كويسه من حد غير مصرى على مصر بيموت من الغيرة وبيبقى عاوز يقتله

صحيح البلد فيها اشخاص وحكومات واعضاء فاسدة بس مصر هى البلد

هى المدارس والبيوت هى المأزن وهى الكنيسه

هى الحديقه وهى الشوارع هى الهوا هى الدفء وهى الامان هى الجدعنة فى ولادها غريزة بردو زى حب الوطن

تقدر تقولى لو سافرت برة مصر لو حصلك حاجة مين هيجرى عليك مين هيشيلك مين هيضمك

مش تلوم على مصر لوم على اللى بيشوهو صورة مصر عشان اغراضهم واهوائهم

تعرف بيقولو مش بنحب مصر ليه لانهم بيبصوا للبطاله

وهى مصر بردو اللى قالتلك تقعد تستنى لما الشغل يجيلك لحد عندك
ولا قالتلك روح سافر سفر غير شرعى وموت زليل وحيد

كينج بجد مش عارفه اطلع احساسى لان موضوعك مهم جدا واستفزنى بجد

فى النهايه

بحبـــــــــــــــــ،،ــــــــــــــــــــــك يامصــــــــــــــــــــ،،ــــــــر


هوست ياسمين نورتينى بشاركتك الرائعه

هو ده الى بتكلم عليه
الفطرة فطرة حب الوطن والغيرة على مصر حتى لو فيها ايه بس لما حد بيبجيب سيرتها زى ما قلتى ببقى عايز اقتله

زى المثل مابيقول ادعى على ابنى واكره الى يقول امين


اة فى مشاكل ومصايب وكوارث وفساد مستشرى

بس حبك لبلدك ده شئ تانى شئ فطرى ربنا بزرعوا جوانا

تسلمى ياسمن على مشاركتك الرائعه وبردودك وردود امثالك هادنى اقول


بحبك يا مصر

صورة العضو الشخصية
Mя.đєmσ
إداري سابق
إداري سابق
مشاركات: 4341
اشترك في: الأربعاء يناير 28, 2009 6:27 pm

بقيت انا الاستثناء وهما القاعدة

مشاركةبواسطة Mя.đєmσ » الأربعاء أكتوبر 28, 2009 8:12 pm

انا والله مش مصدق نفسى
الكلام ده بجد ولا انا بيتهيالى
الناس دى ايه شوفتو انا بتكلم عن ايه سبحان الله لسه عامل موضوع عن كده
والله بجد الناس دى مش يستحقو انهم يكونو مصرين
انا مش بتكلم عن اصحابك بس ياكينج انا بتكلم عن كل الى زيهم
لانه بجد حرام حراام حراااااااااااااااااام

صورة العضو الشخصية
host_king 2010
عضو مشارك
عضو مشارك
مشاركات: 1851
اشترك في: الخميس فبراير 05, 2009 4:16 am

بقيت انا الاستثناء وهما القاعدة

مشاركةبواسطة host_king 2010 » الأربعاء أكتوبر 28, 2009 10:34 pm

[quote="طالب ابتدائي"]السلام عليكم

كيف الحال كينج؟

انا مش حتكلم عن مصر
حتكلم عن بلدي

اذا لم تكن مسؤول في الدولة.. عليك العوض
اذا لم تكن ظابط في الدولة.. عليك العوض
اذا لم تكن حرامي في الدولة..عليك العوض


اذا كنت تاجر كبير.. أعطهم 51% من دخلك سنوياً وهدية سيارة فاخرة عند كل مناسبة
اذا كنت موظف عادي.. لا تشتكي من اعراض انفلونزا الخنازير
اذا كنت آمر بمعروف وناهي عن منكر.. السكوت من ذهب


حقائق:
وزير العمل يقول==>ايش فيها لو تشتغل براتب 1500؟
*كلب الوزير يُصرف عليه دبل الراتب كحد أدنى

الشؤؤن الإجتماعية==>المطلقة تستحق المعونة المالية بعد أن تبلغ سن الأربعين
*طيب قبل الأربعين ماذا تفعل؟! أعتقد ستكون في السجن بعد أن تم القبض عليها تمارس دعارة مع وافد لتجد قوت يومها


اسف كسرت قلمي يجب أن أسكت.



كــم أحــبكـ يـا وطــني


أخي الفاضل
احكم بعقلك ولا تحكم بقلبك


لا تنسو>>>>ابتسمو من أجل الوطن ولو بالغصب


اخى الفاضل


بردو رجعنا للمشكله الرئيسيه

وانا هاحكم بعقلى

انا بتحكم على افراد
انا كل كلامك على افراد


انا بتكلم عن وطن
عن بلد

عن فطرة فينا مفروض نغديها


انك تحب بلدك برغم الظروف الى بتمر بيها مهما كانت


وشكرا على مشاركتك


العودة إلى “الزاوية الإعلامية والفنية”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 10 زوار

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين و 10 زوار