• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

اصل الكلمة !

يناقش هذا المنتدى قضايا الرجل العربي وكل ما يهمه، كما ييتعرض الأزياء الرجالية، وقضايا الأب والأسرة المتعلقة بالرجل بما فيها مساهمته في تربية الأبناء وتنشأتهم
صورة العضو الشخصية
host_king 2010
عضو مشارك
عضو مشارك
مشاركات: 1851
اشترك في: الخميس فبراير 05, 2009 4:16 am

اصل الكلمة !

مشاركةبواسطة host_king 2010 » الخميس إبريل 16, 2009 8:43 pm

مساء الخير يا احلى اعضاء

انا جايبلكم انهارده اصل الكلام العامى اللى احنا بنقوله

واللى ناس كتير مننا واولهم انا منعرفش معناه

ويلا نبتدى مع بعض

وأول كلمة معانا هى كلمة

((((باشا))))

كل الناس تقولك يا باشا وانت علشان فهمه غلط بترد وتقوله

انت اللى باشا وابن باشا ( وتقصد طبعا المعنى اللى انته عرفه )

مشهور ان باشا يعنى حذاء السلطان ( جزمته يعنى ) وهذا خطأ

ولكنها....

كلمة تركية الأصل تعنى رئيس فيقال باشكاتب أى رئيس الكتبة .......!!!

باشمهندس أى رئيس المهندسين وهكذا................... عرفت أصلها

ماشى ياباشا.
ههههههههههه

# حدق : ( واد حدق ) أصلها فى اللغة العربية ( حاذق )

# فتك أصلها فى اللغة العربية( فتاك )

# اللضا محلتوش اللضا) كلمة فرعونية معناها الرزق

# أروبة انته ولد أروبة) جاءت من كلمة إرِب بتشديد الراء وهى لغة عربية بمعنى الدهاء

# هجاص : ( ولد هجاص) قيلت بدلا من هاجس أى الوسوسة ..أى أوعى تشغل بالك بما يقول الهجاص فهو بيهجص

# أونطة وأونطجى .: كلمة تركية الأصل وتطلق على من لاينطق بالحق

# بزرميط : جاءت من كلمة pizzar وهى كلمة فرنسية الأصل بمعنى غير متناسق فتحولت إلى بزرميط لتدل على نفس المعنى


# يالهوى : هى تبسيط لكلمة يا لهف قلبى

# طظ : هى كلمة تركية معناها (ملح) ولكنها أصبحت مصر للتعبير عن الإستهزاء مثل كلمة ( فلفل وشطة ) للتعبير عن الكيد لشخص ما

# أزعرينه: (عامل أزعرينه) .أصلها لبنانى (أزعر) بمعنى خفيف الدم

# تباته وتبت : تحوير لكلمة (ثابت ) فى اللغة العربية

# شمروخ : وهو من شمر عن أكمامه وأصلها عربى

# مدعوق: جاءت من كلمة (المدعو فلان) وهى كلمة تدل على عدم الإحترام للشخص المقصود بسبب عدم البدء باسمه

# ألابندا : (انته عامله ألابندا فى المنتدى ده) هى كلمة فرنسية معناها الفرقة فأصبحت تستخدم لتعبر عن الصخب والضجة

# غلس : جاءت من غلس بمعنى ظلمة آخر الليل وأصبحنا نقول واد غلس ويغلس ودى غلاسة

#ألسطة : كلمة انجليزيةالأصل وتنطق ALLSET

بمعنى كله تمام واستخدمها البحارة للتعبير عن سير الأحوال على ما يرام مثل ( ألسطة اللنش)

# مدمس : كلمة فرعونية تعنى الفول المطهو فى الفرن

وللعلم قد عثر على الفول فى مدافن الأسرة الخامسة الفرعونية

# حكمدار : كلمة تركية الأصل تعنى حاكم الدار

# مجانص : جاءت مجنص Magnus باللاتينى

وتعنى ( ضخم ) وجعلناه احنا مجانص للتعبير عن الضخامة

# زرزور: (انت زرزور كدا ليه) زرزور دا اسم بيطلق فى الروايات الإنسانية على أى شخصية فكاهية سواء سينمائية أو مسرحية أو اذاعية

ومن الطريف ان زرزور اسم طائر أوربى يزور مصر شتاء
فى جماعات كبيرة ريشه أسود له بريق أخضر وأزرق وبنفسجى منقاره طويل ويفتك بالحشرات

# بؤجة : وهى مأخوذه من الكلمة الإنجليزية Bag بمعنى شنطة

# برضه : وهى فى اللغة القبطية تعنى (أيضا )

# منشكح: ( انت منشكح كدا ليه ) أصلها منشرح الصدر أى متكيف من الوضع القائم


#مما / أمبو / واوه / كخه / بعبع / بخ / تاتا

هذه الكلمات التى تقال فى كل مكان

وهى كلها كلمات تستعمل مع الأطفال فى بداية تعلم الكلام وهى كلمات فرعونية الأصل وتؤدى إلى نفس

المعنى المراد الذى تريد أن توصله للطفل

#بتوغوش : (أمك تقولك وغوشتنى عليك يابنى) أصلها العربى يتوجس خيفة أى يقلق ومع الدلع اللغوى بتاعنه اتقلبت بقدرة قادر متوغوش عليه

# فشار: هى كلمة لبنانية الأصل معناها شيئ غير محتمل حدوثه ثم ابتدعنا منها يفشر فشر فشار

# يا حستى : وهى مأخوذة من كلمة (يا خشيتى)

# خرونج : وأنت أصلا مش عارف معناها انا بأة أقولك معناها

خرونج معناها خارج المنافسة أى شيئ ليس له قيمة

# كانى ومانى ( لا تقلى كانى ولا مانى )

بتقولها كتير ...... صح . بس مش عارف معناها

كانى ومانى ياسيدى أصلهما فرعونى قديم

وكانى تعنى السمن
ومانى تعنى العسل


# الحابل والنابل ( يقال اختلط الحابل بالنابل)

الحابل هم الذين يمسكون حبال الخيل و الجمال فى الحرب

النابل هم الذين يرمون بالسهام

فحين تشتد المعركة يختلط هؤلاء بهؤلاء

# عنطزة : كلمة أصلها تركى وهى تعنى فى اللغة العربية ( التكبر ) وتفرع عنها متعنطز أى ( متكبر ) أوطالع فيها بالبلدى

حيث كان عامة الشعب يتوسلون إلى كهنة المعابد بتقديم السمن والعسل إليهم لقضاء حوائجهم

# منا خوليا : حالة عقلية توجد فى عدد من الأمراض العقلية وبعض النشاط الحركى ويتميز بالإنطواء والقلق ورغبة الأنتحار

واسمها الحقيقى ( ماليخوليه ) ولكنها بحداقة الشعب المصرى تحولت إلى مناخوليا

# نيله ( كثير ما تسمع جاك نيلة )

أصلها نيلج وهو أهم الأصباغ الزرقاء عرفت بالهند ومصر القديمة ودخلت أوروبا فى القرن 16

# عقبالك : يقابلها فى اللغة العربية ( العاقبة عندك)

# أهبل وهى تحوير لكلمة (أبله ) فى اللغة العربية ثم تفرع منها كلمات مثل سبهلله واستهبال وهبالة

# استنى : هى تحوير لكلمة يتأنى فى اللغة العربية بمعنى عدم الإستعجال

# شالوت #اوتا
كلمات قبطية الاولى تعنى الرفص بالقدم والثاية تعنى الطماطم

صورة العضو الشخصية
FILANTROPO .•*¨
عضو مبدع
عضو مبدع
مشاركات: 10855
اشترك في: الأحد مارس 22, 2009 2:51 am

Re: اصل الكلمة !!!

مشاركةبواسطة FILANTROPO .•*¨ » الجمعة إبريل 17, 2009 10:09 am

معلوات جديدة ياكينج عملت بيها الابندا فى المنتدى هههههههههههههه تسلم ياغالى معلومات جديدة فعلا

صورة العضو الشخصية
أبو عبدالله الكردي
عضو مشارك
عضو مشارك
مشاركات: 1052
اشترك في: الجمعة يونيو 26, 2009 10:29 pm

Re: اصل الكلمة !

مشاركةبواسطة أبو عبدالله الكردي » الثلاثاء سبتمبر 22, 2009 9:50 pm

السلام عليكم ورحمه الله وبركاته

مشكور اخويه على الموضوع وعاشت ايدك ويسلم مجهودك ارجو ان تقبل تحياتي ومروري المتواضع

مع التحية

صورة العضو الشخصية
AHMED_T!TAN!C
عضو نشيط
عضو نشيط
مشاركات: 2077
اشترك في: الأربعاء إبريل 22, 2009 8:43 pm

اصل الكلمة !

مشاركةبواسطة AHMED_T!TAN!C » الثلاثاء أكتوبر 20, 2009 5:16 am

تسلم الايادى

نتمنى مزيد من التقدم


العودة إلى “الرجل الشرقي”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد