• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

حكاوي كتير ( متجدد )

هذا المنتدى مخصص لأصحاب الملكة الشعرية من الاعضاء، تجدون هنا مجموعة من الأشعار والخواطر الحصرية التي كتبها أعضاؤنا ليقرأها الزوار
صورة العضو الشخصية
دخان بلا ملامح
عضو مميز
عضو مميز
مشاركات: 4361
اشترك في: الأحد أكتوبر 07, 2012 6:36 am

حكاوي كتير ( متجدد )

مشاركةبواسطة دخان بلا ملامح » الأحد مايو 08, 2016 3:04 am

وسط صراخ وعويل ولطم

وصوت المنشاوي بدات الحكاية

مهي الحكاية يا سادة

بتحصل بدل المرة الف مرة

واللي فاضل من الحكاية

شنطة فاضية

ساعة

استيكها

مقطوع

وقميص ابيض

اتغير لونة

وقلم

مقصوف


وحلم مات واتحبس بين الضلوع

الواد قام الصبح بخناقة زي كل يوم

قوم يا واد حتتاخر علي مدرستك

اتعلم وخد شهادة تنفع بيها نفسك

مكنتش تعرف انة حياخد شهادة تانية خالص

ودة عيل غلبان من ضمن عيالك الغلابة ي مصر

لبس هدومة وحط شنطتة علي كتفة

ووقف يقول لامة هاتي بقي المصروف

عشان اجري علي مدرستي وانفع نفسي

وفي لمح البصر اختفي الواد وجري يلحق الاتوبيس

مهو حلم الغلبان مش انة يركب اتوبيس

حلمة انة يلاقي مكان يقعد فية ويدللل رجلية ويرتاح

الواد ملقاش حتة فاضية يركن فيها ولا يرتاح

الموت ندهة علية وقالة تعالا اقف هنا

ولان الاتوبيس زي بلدي مخروم ومتهالك

وقع الواد ووقع معاة حلم السنين

ومبقاش فاضل الا

شنطة فاضية

ساعة

استيكها

مقطوع

وقميص ابيض

اتغير لونة

وقلم

مقصوف


وصرخة ام مكلوبة علي ابنها وحلم عمرها اللي وقع من خرم الاتوبيس

مد ايدة الوزير الهمام وطلع كام الف

وسلم عليها بايدة

ويلا ي حلوة زقططي

صورتك طلعت ومعاها كفن ابنك

اضحكي عشان الصورة تطلع حلوة

سدي اخرامك ي بلدي عشان نقدر نعيش

ونرفع راسنا وسط الناس ونقول دي بلدي

ودي حكاية من حكاوي كتير بتحصل بدل المرة الف مرة

صورة العضو الشخصية
فهد الشاعر
عضو مشارك
عضو مشارك
مشاركات: 517
اشترك في: الجمعة يونيو 15, 2012 3:07 pm

Re: حكاوي كتير ( متجدد )

مشاركةبواسطة فهد الشاعر » الأحد مايو 08, 2016 3:11 am

السلام عليكم ورحمة الله وبركاته
صديقى العزيز
دخان بلا ملامح
كما تعودت منك كل يوم فكرة جديدة
احسنت يا صدقى فى سرد الكلمات
اخذتنا معك فى رحلة مليئة بالاحزان
ولاكنها بقلمك الصادق تصل الى القلب
اسرع من الرمح
فى انتظار جديدك ومن تقدم لتقدم
استمر يا صديقى فى بوح ما بخاطرك
واطلق لقلمك العنان بلا قيود ولا لجام
دمت بخير

صورة العضو الشخصية
دخان بلا ملامح
عضو مميز
عضو مميز
مشاركات: 4361
اشترك في: الأحد أكتوبر 07, 2012 6:36 am

Re: حكاوي كتير ( متجدد )

مشاركةبواسطة دخان بلا ملامح » الأربعاء مايو 11, 2016 1:43 am

[quote="فهد الشاعر"]
السلام عليكم ورحمة الله وبركاته
صديقى العزيز
دخان بلا ملامح
كما تعودت منك كل يوم فكرة جديدة
احسنت يا صدقى فى سرد الكلمات
اخذتنا معك فى رحلة مليئة بالاحزان
ولاكنها بقلمك الصادق تصل الى القلب
اسرع من الرمح
فى انتظار جديدك ومن تقدم لتقدم
استمر يا صديقى فى بوح ما بخاطرك
واطلق لقلمك العنان بلا قيود ولا لجام
دمت بخير


وعليكم السلام ورحمة الله وبركاتة
اسعد الله صباحك فهد
كل الشكر والتقدير علي مرورك وكلماتك
فدائما اتعلم منكم الخلق قبل الحرف
دمت ف امان الله
تحياتي الك

صورة العضو الشخصية
ملك يرتدى ثيابه
عضو مشارك
عضو مشارك
مشاركات: 1525
اشترك في: الثلاثاء مايو 05, 2009 1:10 pm

Re: حكاوي كتير ( متجدد )

مشاركةبواسطة ملك يرتدى ثيابه » الثلاثاء مايو 17, 2016 8:14 pm

السلام عليكم ورحمه الله وبركاته

اهلا وسهلا بالطيب والمحترم عادل
اتمني تكون بخير وبصحه جيده
لك بالجمال حياة يا صديقي
ودائما انت متألق

اوجعت قلوبنا فى هذه المره
فانت تتحدث عن مشكلة نعاني منها حقا
وهي في حياتنا وليس فى الاتوبيس فقط وانما في كل شئ
وللاسف لا توجد سياسة للتخلص من هذا بشكل حقيقي
فقط وعود وافعال تقضي علي كل شئ

علي كل حال سقت لنا قصه
ستحيا للابد فى الذاكرة

كن بخير عادل الحبيب الراقي

صورة العضو الشخصية
دخان بلا ملامح
عضو مميز
عضو مميز
مشاركات: 4361
اشترك في: الأحد أكتوبر 07, 2012 6:36 am

Re: حكاوي كتير ( متجدد )

مشاركةبواسطة دخان بلا ملامح » السبت مايو 21, 2016 7:38 pm

ملك يرتدى ثيابه كتب:
السلام عليكم ورحمه الله وبركاته

اهلا وسهلا بالطيب والمحترم عادل
اتمني تكون بخير وبصحه جيده
لك بالجمال حياة يا صديقي
ودائما انت متألق

اوجعت قلوبنا فى هذه المره
فانت تتحدث عن مشكلة نعاني منها حقا
وهي في حياتنا وليس فى الاتوبيس فقط وانما في كل شئ
وللاسف لا توجد سياسة للتخلص من هذا بشكل حقيقي
فقط وعود وافعال تقضي علي كل شئ

علي كل حال سقت لنا قصه
ستحيا للابد فى الذاكرة

كن بخير عادل الحبيب الراقي


صديقي العزيز خالد
اسعد الله اوقاتك
ف لحظة الوجع بتخرج مننا الكلمات
حتي لو مش مترتبة انما
اكيد كلمات طالعة بطعم الوجع والقهر
واااة من الكلام اللي بيكون جواة قهر ووجع
اشكرك كتير لمرورك واهتمامك بما كتبت
فانا اتعلم منكم جميعا
تحياتي الك صديقي

صورة العضو الشخصية
دخان بلا ملامح
عضو مميز
عضو مميز
مشاركات: 4361
اشترك في: الأحد أكتوبر 07, 2012 6:36 am

Re: حكاوي كتير ( متجدد )

مشاركةبواسطة دخان بلا ملامح » الخميس مايو 26, 2016 1:04 am

مش سقعان ولا دافيان
بعافر وانام
بس النوم مبقاش كافي
ولسة لا سقعان ولا دافيان
مش ميت
بس بعيش زي الميت
بشكل وهيئة غير صورتي
مهو الموت مش راضي يغير شكلي
مش مبسوط ولا زعلان
انا عايش بينهم
بضحك ف وسط الناس
عشان يقولوا فرحان
واما ببقى وحيد برجع لحالتي
مش قادر اخبي على نفسي
عملت حداد على نفسي
ولا عزاء لنفسي
لاني كرهت نفسي خلاص
كرهتك لو هعيش بيكي
عشقت الموت وانا متغرب عنك
وعدتني احلم ببكرة ووعدك
ارجعلك تاني واعيش وادفن ف ارضك
بس لا عرفت اعيش فيكي وشكلي مش حدفن فيكي
كتير كتبوا عنك اشعار ي بلدي
وانا مش بقول اشعار
انا بحكي حكاية انتحار بلد
غربة ومغربنا عنها
بمزاجنا مغربنا
غصب مغربنا
مهو من اول الحكاية لا سقعان ولا دافيان
ودي حكاية من حكاوي كتيرة


العودة إلى “خواطر وأشعار”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 3 زوار

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين و 3 زوار