• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

خاطرة، ومعارك في عقلي

يناقش هذا المنتدى أهم المواضيع المتعلقة بالإعلام والفن، وأخبار الفنانين والإعلاميين والقاضيا الإعلامية المطروحة على الساحة في مختلف البلدان العربية
صورة العضو الشخصية
ahmed 22
عضو مميز
عضو مميز
مشاركات: 6221
اشترك في: الخميس أكتوبر 07, 2010 4:12 pm

خاطرة، ومعارك في عقلي

مشاركةبواسطة ahmed 22 » الأربعاء إبريل 06, 2016 10:16 pm


لقد مر الآن خمس سنوات او يزيد ... خمس سنوات
تنقلت فيها من مرحلة الجهل الي مرحلة الجهل المطلق

يا لهذا التطور الرهيب .. اه والله


ربما لن يدرك ما سأقوله سوي من عاصر وجودي هنا في البدايات واعتقد انه لا يوجد منهم الآن سوي ما ندر .. وكل تلك النقاشات القديمة التي اصبحت في الارشيف
ولكني فقط احببت ان افرض مساحة لشئ بسيط يزعجني منذ فترة ..

تزعجني تلك المعركة التي احيانا تدور في مساحات من عقلي علي الرغم من انشغالات الحياة في الوقت الراهن
ولكن تلك اللحظات البسيطة التي ربما تحدث كل بضع شهور مازالت تذكرني انه يجب ان نستخدم عقولنا في وقت كل الامور تقودنا للتبلد
تبلد في الشعور وتبلد في الفكر وكل شئ .. اصبحت الحياة سطحية لدرجة غبية .. كل ما يشغلنا فيها هو متطلبات الحياة البسيطة بدون النظر لسنتيمتر واحد للمستقبل .!

باختصار هناك تلك المعركة وفحواها سؤال واحد ( من هو صاحب الحق في بلدنا مصر ؟ )

عالرغم من كل تلك الامور التي كنت اذكرها وتلك النظرة الكونية العجيبة التي لا منطق لذكرها الآن او ايا كان العجب فيما قلته للمستقبل البعيد
ومصر بعد خمسين عاما وعشرين عاما واثار الفوضي والاستقرار والنهضة علي المدي البعيد ولكن كل تلك الامور التي لا تفيد من يعيشون في الحاضر حاليا ..

نحن نعيش الحاضر .. انا اعيش فيه الآن
فكلما مرت الايام .. اصبح التهكم هو حالي الوحيد في الحكم علي الامور .. اصبحت اري كل شئ غبي .. كل مذيع اراه علي التلفاز .. كل حكاية يتم قصها
كل صورة اراها عن الاحداث السياسية .. كل مقالة اراها بالصدفة .. كل شئ اصبح لا يستحق الحديث عنه سوي باستصغار ..
لماذا يتم معاملتنا كمتخلفين عقليا من قبل كل هؤلاء الذين يتصدرون الساحات طوال فترات حياتنا ؟

ربما البلد تنقي نفسها ذاتيا .. ربما نحن في حالة استشفاء ؟
ولكنها بطيئة للغاية .. بطيئة لدرجة ان عقولنا ضمرت من رؤية من لا حق له يتصدر الساحات

نحن بلد تنافق نفسها بدرجة غبية .. حتي في تعاملاتنا الخارجية

نحن لا نستطيع ان نكون موقف عام .. علي رأي بوست شوفته ( بنسب في التمويل ونتعاطف ) قمة النفاق مع الذات
اعلامنا غبي لدرجة انه بيروح يدعم موقفنا في زيارات خارجية للبلد وقبلها باسبوع قاعد عمال يشتم في البلد دي
وفاكر انه كان قاعد في اوضة نومه وبيكلم عنها في السر بالسوء وفجأة طلع الصالون ورايح يستقبل الضيوف بالاحضان وماكنش حد سامعه ..

بلد كل تفكيرها في الحياة حاجتين اتنين بس ( عملاء وخونة _ مؤامرات كونية علي بلدنا )

بلد مرت باربع مراحل باربع مسميات توصف كل فترة من اصحاب الفكر المضاد ليهم كموضة اخر خمس سنين بس

1 - الثورة المضادة سبب كل داء
2 - ثورة خمسة وعشرين خساير
3 - لو ماعرفتش مين الجاني لبسها لاي اخواني
4 - قول علي اي حاجة نهضة وانجاز

بلد التخوين في كل عصر وكل لون وكل وقت ... ماحدش عدي عليها الا ما خد نصيبه من التخوين .. وقلة الثقة .. والخوف من اللي جاي
بلد الناس محسسينا دايما فيها ان كل الناس مدانة .. كل الناس حرامية .. كل الناس بتهدم اللي اتبني قبل كدا .. وعندها نرجسية فظيعة انها تكون هي صاحبة الصورة الكاملة
هي اللي هبتدأ من الصفر عشان تخرج البلد من التقهقر اللي فيها قدام الناس بس .. بس الواقع اكيد زي ما هو مش بيتغير الا ببطئ غبي .. وده العن ما في الامور
لان البطئ الغبي ده بيحصل نتيجة الزمن ليس الا .. وليس تدخل البشر ... يعني فقط حكمة ربنا في انه يخلينا قادرين نعيش علي امل بطئ ..

وكل ما حد ييجي يحكم الواحد يهللوا ليه من غير ميزان ويعطوله الوهية كأنه نازل من السما وفي ايده مفاتيح الجنة
وبعدين يفاجئوا ان حالهم ماتغيرش ولسا زي ما هما .. فيبقي فيه نقمة علي كل حاكم ماحققش امالهم
وبعدين نيجي نقول هو مين هييجي يتقي الله فينا ..؟؟
يا عم لما احنا نتقي الله الاول في انفسنا وافكارنا واختياراتنا ..

اللي كلها منبثقة من خلفية امنية .. او لدواعي امنية .. الا ما فيه رئيس من الخمسة واللي الستة اللي حكموا طلع كدا وقال للناس
انهم محتاجين يغيروا جلدهم بأفكار من خارج الصندوق .. ينتخبوا واحد عالم ولا واحد دكتور ولا اي حاجة ..
ما نجرب اي جديد .. هو احنا خايفين من ايه يعني .. هو ايه هيحصل معانا اكتر من اللي حصل قبل كدا

ليه القلق ؟ ايه اسوأ حاجة ممكن تحصل يعني ؟؟؟

بلد ماجاش فيها رئيس لحد النهاردة قادر يكلم مع فئات الشعب ككل ...
لاما بيخاطب حزبه
لاما بيخاطب اهله وعشيرته
لاما بيخاطب ناس خلوا نفسهم علي الملئ المفسر الشرعي لكل اقواله بما يناسب ميولهم العقيمة سواء يقصدها ولا لاء وهو راضي علي كدا

بلد الواحد حاسس انه ممكن ييجي رئيس يحل كل مشاكلها بطريقة ابسط من البيروقراطية العقيمة دي في الخطابات الرئيسية والروتين البضين لاصحاب السلطة
مافيش لحد النهاردة رئيس فاعل ممكن لو قال كلمات بسيطة في محلها وفي اوقاتها يحل نص مشاكله ويقرب كل الناس ليه
مش الجزء اللي مسيسه اعلامه ومحدده في منطقة واحدة وفي كل وقت

اللي اكتشفته انه ماحدش صاحب حق .. لانه ماحدش جاتله الفرصة من فئات المجتمع كله واتحط في موضع سلطة الا وضيع حقه وحق الغلابة في البلد دي ..

وطبعا انا عارف انه ماحدش اصلا في دماغه سياسة حاليا ... فالواحد يكلم عراحته بقا ويفك شوية


صورة العضو الشخصية
ahmed 22
عضو مميز
عضو مميز
مشاركات: 6221
اشترك في: الخميس أكتوبر 07, 2010 4:12 pm

Re: ...............

مشاركةبواسطة ahmed 22 » الأربعاء إبريل 06, 2016 11:32 pm

والدة جوليو ريجيني امام البرلمان الايطالي

_ عذبوه وقتلوه كما لو كان مصريا


جملة المفروض نقف قدامها كتير من حوالي خمسين اتجاااه
مش نقف قدامها للرد علي ام ريجيني اكيد يعني ..

بس محتاجة مننا نشوفها من منظور العالم لينا انهم عارفين انهم بيتعاملوا مع عالم دمهم رخيص .. ومن واقع العالم اللي عايشين فيه حاليا ومدي تقبله للكلام ده كواقع ملموس
ورواسب مازالت موجودة في المجتمع .. وبكل تأكيد طبعا سذاجة الحكومة في التعامل مع القضية وفاكرين انهم بيتعاملوا مع ناس من مملكة امبابة المتحدة

صورة العضو الشخصية
فتى المهام الخفية
عضو نشيط
عضو نشيط
مشاركات: 3912
اشترك في: الثلاثاء يناير 03, 2012 10:55 am

Re: ...............

مشاركةبواسطة فتى المهام الخفية » الخميس إبريل 07, 2016 12:40 am

مرحى
أحمد هذه المرة مرتبك ومشوش !!

وهذه أيام من لا يتحير فيها ولا يتشكك ؟

لكن يا أحمد أنا عكسك ربما متفائل لكل هذه الحالة الضبابية وهذه اللامبالاة المؤقتة
متفائل لأن فقدان التوقع يعني كل شيئ والتجربة تذهب بنا إلي وإلي

الناس ذاقت وذاقت فأصبحت غير الذين كانوا
سيحدث شيئ هائل لكن ما هو لا أعرف
المهم أن يحدث وحسب

ربما هتلر جديد !

صورة العضو الشخصية
engr_medo1884
عضو مشارك
عضو مشارك
مشاركات: 1139
اشترك في: الاثنين يناير 17, 2011 4:19 pm

Re: ...............

مشاركةبواسطة engr_medo1884 » الخميس إبريل 07, 2016 8:26 pm

بدون مقدمات لا تعترف بها

بس انا باطلب منك الانضمام لحزب الجهل العميق ..

وطالما هنتكلم بصيغة الجهل العميق فكل ماهو منطقي بعيد عن المنطق وكل ماهو غبي هو الواقع بعينه و هو الحقيقة الوحيدة التي يجب أن تمشي وراءها .

أما عن الحيرة والتخبط فهذا هو الصراط الذي قد ينقلك من مرحلة الجهل العميق إلى مرحلة الجهل ولأن ذلك أصبح من اللامعقول فالأصلح أن نعيش حالة التبلد العام

وأخيرا فليسامحك الله لأني في لحظة فكرت أخرج عن حالة التبلد بسبب ما قرأت في موضوعك

دمت بكل خير صديقي

صورة العضو الشخصية
صباح الخير
عضو مشارك
عضو مشارك
مشاركات: 1198
اشترك في: الجمعة يناير 24, 2014 10:42 pm

Re: ...............

مشاركةبواسطة صباح الخير » الجمعة إبريل 08, 2016 7:42 pm

افتكر يا احمد ان التبلد و الجهل حالة البلدان العربية كلها


بال
نسبالي حسيت باحساسك من زمااااان اووووي بس ده ميعنيش اننا نوصل للياس



لازم تدور بحياتك ع مخرج .....


بقولك ايه ...
من الآخر...





ملكش دعوى بالسياسة و امشي جووااا الحيت :mrgreen:

تحياتي

صورة العضو الشخصية
FaiR☄QueeN
عضو مبدع
عضو مبدع
مشاركات: 11296
اشترك في: الجمعة مايو 20, 2011 10:42 pm

Re: ...............

مشاركةبواسطة FaiR☄QueeN » الأحد إبريل 10, 2016 12:55 am

[quote="صباح الخير"]
ملكش دعوى بالسياسة و امشي جووااا الحيت :mrgreen:


قصدك يمشي جنب الحيط , انما يمشي جوا الحيط ازاي؟!
جديدة دي :mrgreen:

ولا احنا انتقلنا من مرحلة جنب الحيط لمرحلة جوا الحيط وأنا معرفش :shock:

هي فعلا بقت تتقال جوا الحيط؟!!! :roll: يعني خلاص لبسنا في الحيط؟! :cry:

بدقق في حاجات غريبة أنا عارفة
بس حقيقي بتفرق ..............

صورة العضو الشخصية
صباح الخير
عضو مشارك
عضو مشارك
مشاركات: 1198
اشترك في: الجمعة يناير 24, 2014 10:42 pm

Re: ...............

مشاركةبواسطة صباح الخير » الأحد إبريل 10, 2016 7:01 am

:mrgreen: :mrgreen: :mrgreen: :mrgreen: :mrgreen:


العودة إلى “الزاوية الإعلامية والفنية”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 8 زوار

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين و 8 زوار