• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

كلام الناس

بستان منتديات موقع بابونج، هذا المنتدى مخصص للمواضيع المتنوعة التي يتم إضافتها من قبل الأعضاء، لديك الحرية لكتابة ما تشاء هنا مع عدم التعدي على الآخرين
صورة العضو الشخصية
( أميرة أرق ملاك )
عضو مميز
عضو مميز
مشاركات: 6265
اشترك في: الخميس إبريل 02, 2009 6:01 am

كلام الناس

مشاركةبواسطة ( أميرة أرق ملاك ) » الثلاثاء يناير 19, 2016 5:14 am

صورة



اخوتي واخواتي اعضاء منتدانا الكريم

لاشك باننا نعلم جميعا قيمة الكلمة
ونعلم بأن الكلمة طالما تجول بخاطرك ولم تنطق بها فهي ملكا لك

ولكن اذا خرجت منك الكلمة ملكتك

فتعالوا معي لنستعرض بعض الناس

او شرار الناس واحوالهم مع الكلمة


والدها توفي من شهرين ...

الصدمة مش قادرة تفوق منها فجأة .. قررت تشغل مزيكا بصوت عالي عشان تعرف تصرخ براحتها ..
الجيران .. هوة صوت المزيكا العالي دا من شقة وﻻد عم محمود اللي مات من شهرين يا وﻻد ؟
- اه يا ماما ..
- شوف العيال قﻻﻻت الاصل ! ابوهم مات و هما مشغلين مزيكا و عمالين يرقصوا وﻻ على بالهم !! عيال فاجرة ..
*



جوزها طلقها و اتجوز عليها .. مع انها روحها فيه .. كانت بتموت في اليوم الف مرة .. و بعد وقت قررت انها تفك عن نفسها شوية بدل ما تموت من القهرة ..
صاحباتها ...
هيه منى قصت شعرها و صبغته احمر فعﻻ !!
-اه ..
- هيه مش اتطلقت ؟ واﻻ هيه ما صدقت بقى وعاوزة تدور على حل شعرها !!
ست قادرة
*


ادهم مديون لطوب الارض .. عﻻج ابوه مش مخلي وﻻ مليم في جيبه .. و اخر حاجة قرر يبيع عربيته .. احساسه بالعجز و القهر خنقه ..
قرر يروح مطعم نضيف ياكل فيه و يبسط نفسه قبل ما يبيع اخر حاجة يملكها ..
صحابه ..
مش اللي هناك دا ادهم ؟
- اه ..
- الله !! ماهو بياكل في مطعم غالي اهو و قاعد و متشيك امال بس هارينا انا مفلس و عﻻج ابويا و ما عﻻج ابويا .. ايه الكدب دا !!
ممثل رهيب و كداب قراري ..
*



مازن كان بايت قدام باب العناية المركزة ع الارض 3 ايام .. و اما حس انه مش قادر يكمل قرر يروح ينام ساعتين ما بين وقت الزيارتين عشان يعرف يكمل ..
و راحت عليه نومه ..
قرايبه ..
هو مازن مش موجود ؟
- اه
- شوف الابن العاق ! سايب ابوه في العناية المركزة لوحده و حتى مافكرش يسأل عليه ..
عيال جاحدة..
*


.. إنتهى ..

مش من حقك تحكم على حد .. ابدا ..

خليك في حالك وسيب الناس في حالها

صورة العضو الشخصية
ملك يرتدى ثيابه
عضو نشيط
عضو نشيط
مشاركات: 3765
اشترك في: الثلاثاء مايو 05, 2009 1:10 pm

Re: كلام الناس

مشاركةبواسطة ملك يرتدى ثيابه » الثلاثاء يناير 19, 2016 11:23 am

السلام عليكم ورحمه الله

اهلا وسهلا صباح الفل يا اميرة
ربنا يسعداوقاتك اختي

موضوع جميل وبيناقش قضيه مهمه جدا واعتقد اننا بنعاني
منها نحن هنا في المنتدي وفي كل مكان الناس بتعاني منها
ان الانسان يكون مش شايف غير جزء بسيط ويحكم علي
الكل شفت موقف ليك احكم عليك من خلالة طيب نفهم
الاول لا محدش عنده استعداد

ان شاء الله اعود واقول وجه نظرى في كل قصه
ونشكرا اميرة اكيد علي تواجدك العطر والمميز بيننا
ونتمني التوفيق والمزيد من هذه القضايا الهامة

لكي بالجمال حياة

صورة العضو الشخصية
!هادية!
عضو نشيط
عضو نشيط
مشاركات: 3901
اشترك في: السبت مايو 02, 2015 11:30 pm

Re: كلام الناس

مشاركةبواسطة !هادية! » الثلاثاء يناير 19, 2016 12:21 pm


غاليتي اميرة

صباح الخير ويوم طيب باذن الله

من تابع كلام الناس مات هما

ومثلي دائما .. ويا جبل ما يهزك ريح ..

لن يسكت الناس ولن ينتهي الكلام لانه للاسف احد امتحانات زمننا هذا.. ولكن طالما نثق في حالنا اذا لا باس فلياخذوا بعض ذنوبنا ونحتفظ نحن بالثواب

ولكن الاهم ان نحسن الظن ببعضنا البعض ولا نقرا اكثر مما ينبغي حتي لا نظلم ولا نُظلم

موضوع مهم لاننا كلنا نتعرض لذات الشيء وباستمرار وانا لي موضوعين هنا لنفس السبب

تحياتي ومودتي

صورة العضو الشخصية
ملك يرتدى ثيابه
عضو نشيط
عضو نشيط
مشاركات: 3765
اشترك في: الثلاثاء مايو 05, 2009 1:10 pm

Re: كلام الناس

مشاركةبواسطة ملك يرتدى ثيابه » الثلاثاء يناير 19, 2016 9:45 pm

مساء الخير

اهلا وسهلا بالجميع
ومنوره اختي الطيبة

والدها توفي من شهرين ...

الصدمة مش قادرة تفوق منها فجأة .. قررت تشغل مزيكا بصوت عالي عشان تعرف تصرخ براحتها ..
الجيران .. هوة صوت المزيكا العالي دا من شقة وﻻد عم محمود اللي مات من شهرين يا وﻻد ؟
- اه يا ماما ..
- شوف العيال قﻻﻻت الاصل ! ابوهم مات و هما مشغلين مزيكا و عمالين يرقصوا وﻻ على بالهم !! عيال فاجرة ..

طبعا هي هنا غلط بشكل لا يقبل الشك
يعني ايه تصرخ براحتها ومين قال ان دا صح
الصوت العالي الذى يحتاج لصوت اعلي منه يسمع الجميع
خطئ حتي في الشرع طيب بالنسبة لكلام الناس في عندنا
واحد بيقول لواحد ينعل ابوا الي يجيب في سيرة الناس
رد عليه واحد جنبه قاله لا قول ينعل ابوا الي يخلي الناس
تجيب في سيرته

جوزها طلقها و اتجوز عليها .. مع انها روحها فيه .. كانت بتموت في اليوم الف مرة .. و بعد وقت قررت انها تفك عن نفسها شوية بدل ما تموت من القهرة ..
صاحباتها ...
هيه منى قصت شعرها و صبغته احمر فعﻻ !!
-اه ..
- هيه مش اتطلقت ؟ واﻻ هيه ما صدقت بقى وعاوزة تدور على حل شعرها !!
ست قادرة

ودي نفس البنت الي شغلت موسيقي
وكمان اغبي انا اسف ليه علشان هي يعني مش هتفك علي نفسها
غير بصبغ الشعر وقصه لا دي تبقي غريبة وكمان عرفت الناس
مش كفت علي الخبر ماجور بيقولوا كدا عندنا

ادهم مديون لطوب الارض .. عﻻج ابوه مش مخلي وﻻ مليم في جيبه .. و اخر حاجة قرر يبيع عربيته .. احساسه بالعجز و القهر خنقه ..
قرر يروح مطعم نضيف ياكل فيه و يبسط نفسه قبل ما يبيع اخر حاجة يملكها ..
صحابه ..
مش اللي هناك دا ادهم ؟
- اه ..
- الله !! ماهو بياكل في مطعم غالي اهو و قاعد و متشيك امال بس هارينا انا مفلس و عﻻج ابويا و ما عﻻج ابويا .. ايه الكدب دا !!
ممثل رهيب و كداب قراري ..*

هنا الامر يختلف ادهم مش عمل شئ غلط شئ مشروع وعادي
وكمان راجل جدع ويستحق كل احترام من الناس خاصه انه باع
السيارة علشان علاج ابوه وعلشان يسدد الناس الي بتتكلم دي

اما الناس فمعندهمش رحمه قلوبهم كالحجارة واللسنتهم كالنار


مازن كان بايت قدام باب العناية المركزة ع الارض 3 ايام .. و اما حس انه مش قادر يكمل قرر يروح ينام ساعتين ما بين وقت الزيارتين عشان يعرف يكمل ..
و راحت عليه نومه ..
قرايبه ..
هو مازن مش موجود ؟
- اه
- شوف الابن العاق ! سايب ابوه في العناية المركزة لوحده و حتى مافكرش يسأل عليه ..
عيال جاحدة..

اما عن مازن واسم مازن جميل مش يبالي من الناس اصلا لانهم ناس غريبة
حكموا من غير حتي ما يبحثوا عن اليقين بالسؤال مش اكثر هو مازن فين
والله راح ينام ساعتين علشان مش نام من 3 ايام

وهو ولد راجل اكيد مازن دا صعيدي


شكرا اميرة قد اختلفت معك واتفقت معك فلا بأس
وشكرا جدا لطرحك القضيه وننتظر المزيد
كوني بخير

^^ بنوتة مصرية ^^
عضو مميز
عضو مميز
مشاركات: 7379
اشترك في: الخميس نوفمبر 21, 2013 2:53 am

Re: كلام الناس

مشاركةبواسطة ^^ بنوتة مصرية ^^ » الأحد فبراير 21, 2016 3:39 pm

والله يا أميرة
أفضل شئ التجاهل و الصمت

صورة العضو الشخصية
! gREen eyEs
عضو نشيط
عضو نشيط
مشاركات: 3169
اشترك في: الجمعة يونيو 12, 2015 11:43 pm

Re: كلام الناس

مشاركةبواسطة ! gREen eyEs » الخميس مارس 03, 2016 8:11 pm







مساء الورد ميره

اين انتى؟؟ اشتئنالك كتير
أن شاء الله تكونى بخير

أما عن كلام الناس فأسلم حل التجاهل وعدم الرد
الكلاب تعوى والقافله تسير

لكن
كلام الناس فوق رأسي إذا كان يصب في مصلحتى وليس فيه اهانه لشخصي


نايس توبيك ميره

تحياتى









صورة العضو الشخصية
» اللص » الطائر »
عضو مشارك
عضو مشارك
مشاركات: 712
اشترك في: الخميس أكتوبر 10, 2013 5:02 pm

Re: كلام الناس

مشاركةبواسطة » اللص » الطائر » » الخميس مارس 03, 2016 11:10 pm

أولا عاش من شافك يا اميرة ارق ملاك

ليت الزمان يعود يوما

ثانيا بالنسبة لموضوعك الجميل

فا شئ بقى طبيعى

بيحصل فى كل مكان

و للاسف احنا اخدنا عليه و بنصدقه

و بنتجاوب معاه

بس الحياة بتعلم كتير

و الى اتعلمته

اسمع اكتر ما اتكلم

اتكلم كتير تغلط كتير تتحاسب اكتر :wink :wink


العودة إلى “بستان المنتدى”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 9 زوار

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين و 9 زوار