• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

ياريت نعقل شويه

بستان منتديات موقع بابونج، هذا المنتدى مخصص للمواضيع المتنوعة التي يتم إضافتها من قبل الأعضاء، لديك الحرية لكتابة ما تشاء هنا مع عدم التعدي على الآخرين
صورة العضو الشخصية
الغافقى
إداري سابق
إداري سابق
مشاركات: 3657
اشترك في: الاثنين يونيو 02, 2008 6:38 pm

ياريت نعقل شويه

مشاركةبواسطة الغافقى » الأربعاء سبتمبر 23, 2015 11:15 pm

من قال لا اله الا الله دخل الجنه

ورحمتى وسعت كل شىء

هيييييييييييه بقى معايا مفتاح الجنه

انا بس اخرج من الدنيا هلاقى نفسى فى الجنه عدل

هو انا عملت ايه غلط

انا الحمد لله موحد بالله وقلبى عمران بالايمان ولا اله الا الله تملأ كيانى

لحظه يا عم ماتعرضهاش اوى كده

ده ابو جهل مارضاش ينطقها لأنه كان عارف معناها وتبعاتها

انت عارف يعنى ايه لا اله الا الله

هتقولى طبعا سؤال بسيط

معناها انه لا معبود بحق الا الله

تصدق افحمتنى وطلعت بتفهم

طب تعرف الايه اللى بتقول

إنهم كانوا إذا قيل لهم لا اله الا الله يستكبرون

اصبر بس ماتردش وتقول انهم الكفار

لا ياجميل


دى بقي معناها ان كل اوامر الله اللى امرك بيها وجنابك مش بتنفذها

هو ده استكبارك عن لا اله الا الله

ايا كان الامر الالهى اللى امرك بيه ربنا سبحانه وتعالى وهو مش على هو جنابك

او قدرك اللى ربنا قدره عليك بقي سواء فقر او مرض او بال مش مرتاح

او حياه مش عاجبه جناب سعادتك اى حاجه في حياتك اللى متاكد وعارف ان ربنا قدرها عليك

طبعا سيادتك مش بتكون راضى وبتدايق وتنفخ وتزعل وتقول ياارب ليه كده

ليه يارب بتعمل فيا كده انا عملت ايه فى دنيتى

ياخى ربنا ياخدك انت ودنيتك دى

هو انت كنت جيت الدنيا بمزاجك ولا هتمشى منها بمزاجك ولا بتخطى خطوه فيها بمزاجك

لما هو لاء يارزل

امال مالك بتسخط ليه علي ربك وقدره وعاوز تغيره بمزاجك

ماتصبر ماتعرفش الخير فين

ده الخضر كسر سفينه وقتل غلام وبنى جدار وفى النهايه خالص عرفنا ايه الحكمه

ماتفكرش انك علشان نظرك قاصر ومتعرفش الحكمه فين يبقى ده غضب من ربك

او حتى فتنه او ابتلاء

ارضى ياعم بيها زى ماهى كده هو ربنا عاوزهالك كده هتعرف اكتر منه سبحانه وتعالى


قول الحمد لله وارضى وادعى لو شايف فيها شر

هو فى وقت الرخاء كويسين اوى وعايشين والحياه حلوه ولما تشد شويه ولا تقلب عليك

علشان حضرتك بعيد عن ربك وماعدت بتلجأ ليه فسبحانه وتعالى عاوز يسمع مناجاتك

ودعاءك فإبتلاك

تيجى انت بقي وتقول لاء مش هكمل

ياريت نعقل شويه كده ونهدى

صورة العضو الشخصية
( أميرة أرق ملاك )
عضو مميز
عضو مميز
مشاركات: 6265
اشترك في: الخميس إبريل 02, 2009 6:01 am

ياريت نعقل شويه

مشاركةبواسطة ( أميرة أرق ملاك ) » الاثنين سبتمبر 28, 2015 6:40 am

السلام عليكم ورحمة الله

اللهم اجعلنا من اللذين يستمعون القول فيتبعون احسنه..

الرسول صلي الله عليه وسلم لما وصانا بقراءة سورة الكهف ليلة الجمعه

علاوة علي فضلها العظيم انها بتفصص القصص اللي منها نعتبر وناخد الوعظ

حتي لو مش فاهمين حالا

ده لحكمة يعلمها ربنا سبحانه ومش شرط نعرف الحكمة

وكما بلغنا رسولنا الكريم عجبا لامر المسلم فان امره كله خير ان اصابه سراء شكر فكان خيرا له وان اصابه ضراء صبر فكان خيرا له او كما قال صل الله عليه وسلم.

احنا اتخلقنا علشان نعبد ربنا ونقول سمعنا واطعنا ولو كان فيه جدال اعاذنا الله من ذلك هنكون اي ملة فير الاسلام

ربنا يهدينا ويهدي نفوسنا ويجعلنا سبب لمن اهتدي

سلمت وسلمت يداك اخمد ووفقك دائما إلي مايحب ويرضي سبحانه وتعال

صورة العضو الشخصية
QUeeN OF ZagaZig
عضو مشارك
عضو مشارك
مشاركات: 969
اشترك في: الجمعة أكتوبر 04, 2013 8:58 am

ياريت نعقل شويه

مشاركةبواسطة QUeeN OF ZagaZig » الأربعاء سبتمبر 30, 2015 2:47 am

لا اله الا الله محمد رسول الله
ولا حول ولا قوة الا بالله

مين احنا علشان نستكبر اصلا؟ على قدرة الله ولا على عظمته

اللهم كما أحييتنى بلا ذنوب
أميتنى على طاعتك ورحمتك تائبة عن كل المعاصى والذنوب

احمد حقيقى تسلم ايدك

جعله الله فى ميزان حسناتك

بانتظار المزيد

متابعة :left :left


العودة إلى “بستان المنتدى”



الموجودون الآن

المستخدمون الذين يتصفحون المنتدى الآن: Yahoo [Bot] وزائر واحد

المتواجدون حاليا

المستخدمون الذين يتصفحون المنتدى الآن: Yahoo [Bot] وزائر واحد