• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

المضافه الفلسطينيه العتيكة (الخيمة الرمضانية )

منتديات فلسطين المحتلة، يناقش الاعضاء هنا آخر تطورات ومستجدات القضية الفلسطينية ومعاناة الشعب الفلسطيني وأهم القضايا مثل قضية الأسرى والمعتقلين الفلسطينيين
صورة العضو الشخصية
سيدها لسراب
صديق 12 شات
صديق 12 شات
مشاركات: 131
اشترك في: الأربعاء يوليو 07, 2010 7:52 pm

المضافه الفلسطينيه العتيكة (الخيمة الرمضانية )

مشاركةبواسطة سيدها لسراب » السبت يوليو 05, 2014 12:37 am

المضافه الفلسطينيه العتيكة

صورة

المضافة الفلسطينيه هاي عباره عن غرفة كبيره جدا كانت توجد في كل كريه وكل بلد

يعني مثل كاعة الاستكبال اليوم

طبعا اهل البلد والمختار يستكبلوا الضيوف فيها ..

والضيف يلاكي الترحاب والتهليل وحُسُن الأستكبال

ويفرشوا للضيف بصدر المجلس ، ويكدموله الكهوه الساده والحلوه ،

ويوّصوله عَالأكل وتحلى التعليله ، وبعد العشا وتمام الحال

ويكعدوا يتخرّفوا ، وحديثهم بكى عن المواسم .. موسم الحصاد او الزيتون ، وعن سعر الدواب ،

وكان يحكوا

عن أحلام اليوم والليله اللي بتغني في الكلب موّال

وبكى الضيف وسيلة إعلام ، يخرفهم عن وين بكى وشو شاف ،

ومرّات بتبكى رحلاته كثيره وطويله ، وواسع كدامه المجال


ومرّات ببكى الضيف شاعر ، ربابته تحت أباطه ، حافظ كصص وسِيَر ،


عن أيام زمان ... تاريخ راسخ في البال

وكانت هيك السهره تحلا ويظلوا للفجر وهم سهرانين يتحدثوا


او يكضوا الليل بكصّ الكصص والحكايات والروايات

بكت المضافه مدرسه لجميع العلوم الشعبيه ، بكت المضافه صحافه لكل خبر في البلد ،

وإعلان اللي جاي من أعمال

بكت المضافه مجمع لكل مناسبه ، فيها الكرار عن موعد لِحراث والحصيده والدراس

وجَدّ الزيتون وادراسه ، وجَمِع الِغلال

ويدور الحديث .. ها لأرض مزروعه بالفرح والأمل ، كصَّرَت بين الزرع والأنتاج المسافه ،

وباركت رزق الحلال

واحيانا بستخدموا المضافه في الاعراس فبتكون مكان لتناول وجبة غداء المعزومين

على العرس .. طبعا اذا حب اهل العريس انهم يكدموا الوجبه فيها

واحيانا بعيد الشر يعني اذا كان في بيت اجر(( بيت لاستكبال العزاء عند احد اهل الكريه)

وان شالله تكونوا انبسطوا صيام مكبول


صورة العضو الشخصية
سراب
عضو مميز
عضو مميز
مشاركات: 5929
اشترك في: الخميس ديسمبر 04, 2008 7:21 pm

المضافه الفلسطينيه العتيكة (الخيمة الرمضانية )

مشاركةبواسطة سراب » السبت يوليو 05, 2014 12:49 am

مساء الخير

تسلم ايدك يا سيدي ما قصرت
وان شاء الله سحورا هني بما انه الوقت صار وقت سحور :wink

المضافه من اهم الاماكن الي كانوا يجتمعوا فيها الاهل والقرايب
لتكون حلقة وصل بينهم ايام زمان لمعرفة الاخبار والاحداث لكل قريه

مو متل هلا الكل مشغول عن التاني واصبحت مضافتنا عبر الواتس اب بالجروبات
وبقية برامج التواصل الاجتماعي متل الفيس بوك وغيره .

فعلا ايام زمان لا تعوض كانت صلة الرحم اقوى
اما الان الاخ ما بيعرف عن اخوه الا بالمناسبات او الاتصالات
عاساس نحنا بعصر التطور والتحضر السريع نسيو صلة الرحم الا من رحم ربي ..

طبعا لا غنى عن ايام زمان وتجمعات زمان ولمة العيله
كانوا يشعروا ببعض ويطمنوا على بعض عن قرب ...

ان شاء الله ترجع هديك الايام :wink

يسلموا سيدي كان موضوعك مكمل ومعبر عن واقع زمان واحلى ايام
عاشوها اجدادنا نفتقدها الان ...

صورة العضو الشخصية
ღ .R.o.Ø.o.ή.e.y. ღ
عضو مميز
عضو مميز
مشاركات: 5738
اشترك في: الجمعة ديسمبر 17, 2010 3:09 pm

المضافه الفلسطينيه العتيكة (الخيمة الرمضانية )

مشاركةبواسطة ღ .R.o.Ø.o.ή.e.y. ღ » السبت يوليو 05, 2014 12:52 am

اهلين بسيدنا
هلا بالمعلومات القيمه
اهلين بالخيمه هون
رمضان كريم

صورة العضو الشخصية
ستها لسراب
صديق 12 شات
صديق 12 شات
مشاركات: 282
اشترك في: الخميس يوليو 01, 2010 5:21 pm

المضافه الفلسطينيه العتيكة (الخيمة الرمضانية )

مشاركةبواسطة ستها لسراب » السبت يوليو 05, 2014 1:13 am

يسعده وضاح بيخرف وين ما كان
كلمه ( قلمه ) جرار

يعني تلاكيه مثكف اكثر من عريس وطفه
انا بكول ظلمتك يوم انك غبت عني
اتاريك بتمخمخ بالمضافه
وكاعد بتذكر ايام زمان

وكت ما عملنا عرسنا فيها
والا نسيت يا وضاح

وكت الصمده تركت المضافه والكل بدور عليك
وانت كاعد بزاوية المضافه تدعي ربي يطول بعمري
ويرزكنا الخلف الصالح وربي الحمدلله رزكنا وطفه
لسانها بنكط شهد وعرسانها طوابير يم

بس عكلاتك والا بلاش اكول
مش كادر الا تتجوز علي :sad

جاي عبالي اكعد بالمضافه هان
واخرفهم عن عمايلك
بس راح اكعدك كعدة مزاج عن كريب يا وضاح
كلها اعترافات من باكي افراد العيله

كبل لا اروح يسلم ثمك يا وضاح
ما كصرت :wink

صورة العضو الشخصية
عمة سراب
صديق 12 شات
صديق 12 شات
مشاركات: 247
اشترك في: الثلاثاء يوليو 13, 2010 12:23 am

المضافه الفلسطينيه العتيكة (الخيمة الرمضانية )

مشاركةبواسطة عمة سراب » الاثنين يوليو 07, 2014 6:30 pm


ما شاء الله على ابوي مثكف من يومه :oops:

لكن انا مكهورة فكرني باليوم يالي جبت عريسي على المضافة وما استكبلو منيح ولا كدملو كهوة سادة ولا حلوة

وبكى يشتم فيا وفيه :cry: كال شو ماعندنا بنات تتزوج افرنجي :cry:


العودة إلى “منتديات فلسطين”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد