• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

نور فارس.. بقلمى

في هذا المنتدى يمكنك كتابة قصة من بنات أفكارك، مناقشة فكرة قصة، او عرض قصة أعجبتك ليطلع عليها الأعضاء وزوار المنتديات الآخرين
صورة العضو الشخصية
نص من العقل مفقود
مشاركات: 20
اشترك في: الأحد مايو 11, 2014 1:50 pm

نور فارس.. بقلمى

مشاركةبواسطة نص من العقل مفقود » الأحد مايو 11, 2014 1:59 pm

نور وفارس ♥♥ الحلقه 1

تعبت من التفكير عقلها يكاد يتصدع من كثرة الافكار اللى تجول فى ذهنها
حائرة هى لا تعرف ماذا تفعل بما تبدأ تشعر بتعب ينهك اوصالها تركت
كتلة الصوف اللى تعودت ع ملمسه منذ مده تقوم وتحاول ان تتحرك تبدو
خطواتها وكانها تعبر سنين وكانها فى رحلة عبر الزمن تتميز بالبطىء تحركت
بخطوات ثقيله باتجاه الغرفه اللى لم تكره بالدنيا مكان بحجم كرهها لتلك الغرفه
الكئيبه رفعت يدها لتدق الباب دقه فالثانيه فى الثالثه
لم يكن هناك رد فالجو اشبه بصحراء ليس فيها احد فى ذلك المكان
فتحت الباب فى بطىء وهى تدعو الله ان يمر يومها دون نزاع ومشاكل
كانت الغرفه معتمه بسواد شديد سرير متهالك يقع فى احد زواياها وخزانه
اكل عليها الدهر وشرب فى زاوية اخرى نافذة صغيره يكاد الهواء ان يعبر منها وتقريبا هى مصدر الاضاءه الوحيده هنا بعد مصباح قديم جدا يشتكى كثرة استخدامه
ويعلن عن انتهاء مدة خدمته قريبا اقترب بخطوات متردده للسرير الموجود

بكلمات قريبه للهمس نادت باسمه : فارس قوم ...فارس
بعد لما حست انه مفيش امل يصحى لو هتهمس كدا فلازم تعلى صوتها اكتر
قوة نفسها ونادته بصوت اعلى : فارس لو سمحت قوم الشمس طلعت من زمان
بدء يفتح عينيه اللى بالنسبه ليها رغم لونها الحلو الا انها اكتر عيون ترعبها فى الدنيا
صحى وبصها بنظرة احتقار وكانها مجرد خدامه عنده وسابها ودخل الحمام
دقايق وطلع بص عليها من بعيد من غير ما تاخد بالها" لسه قلبى كل لما اقرب منك يدق اكتر مش قادر انسى الله يسامحك يا نور انتى السبب فى كل ده"
كل كلامه كان فى باله مش اكتر كمل مشى لحد الصاله وبدء يبص للفطار اللى هياكله
فول\فلافل\عيش فطار زهق منه وكرهه لانه روتينى بحت بالنسبه لحياته دلوقتى الاكل
ده هوه فطاره وغداه وعشاه طبيعى انه يكون كرهه او اتعود عليه واتبلد احساسه
بدء ياكل بكل برود وقام بسرعه لما بص فى الساعه وقرب من المرايه اللى فى طريقه للباب عدل الشال اللى غطى وشه بيه وعدل الكاب ع السريع بص بسخريه ع شكله الغريب مش باين منه الا عيونه واللى هتتغطى بنضارة الشمس كمان كمل مشيه لحد الباب من غير ولا كلمه !!!
..

وعند نور اللى كانت سرحانه وحمدت ربها انه قفل الباب جامد وفاقت من سراحانها قبل ما كان الاكل يتحرق وتتحرم من الاكل انهارده سخنت العيش وراحت تاكل بقايا
الاكل اللى سابه فارس شغلت التلفيزيون القديم جدا وحاولت تنسى انه كان هنا
ورجعت لسراحنها" انا تعبت من الحياه خلاص كل حاجه دلوقتى غلط مين فينا السبب انا ولا هوه انا والله ما كان قصدى اصلا"

فى مكان تانى نعتبره ميه فى الميه عكس ظروف ابطالنا
قاعدين تلت شباب "اياد\سامر\ رشاد"
بيلفوا سجاير والمكان مليان خمره وصوت الضحك والاغانى واصل لاخر الفيلا
بصلهم من بعيد وهوه بيتنهد " امته هيعقلوا بئه "
دخل بثقته المعهوده وشياكته المعروفه : مش هتنضفوا ابدا يعنى
اياد: ههههههههههه مش لازم كدا الحياه حلوه
مراد: اياد لو سمعت لك صوت لسانك انساه فاهم

اياد بخوف : فاهم فاهم
مراد: انهارده فى حفله مهمه عاوزكم موجودين من بدرى فاهمين
الكل : حاضر
طلع وسابهم وهوه قلقان ومتضايق جدا من حالهم ومن اللى حصل
وبعد ما طلع كملوا قعدتهم ولا كانه اتكلم اصلا

عند مراد
ركب عربيته وراح للمكان اللى متعود يروحه كل يوم من ساعة اللى حصل بس المكان مبقاش زى الاول بقى مكان للذكريات حلوه ووحشه انهارده بالنسبه له يوم مهم
هيقابل شخص من الماضى قعد ع الكرسى الموجود هناك
وهوه بيحاول يفتكر الاتصال اللى جاله امبارح
مراد : الو
: مراد معايا

مراد: ايوه انا مراد
: انا عاوز اقابلك
مراد باستغراب: انته مين اصلا
: هتعرف بكره نتقابل فى مكان ذكرياتك اكيد منستهوش
ويا ريت بجد تكون موجود
وقفل حاول مراد يرجع يتصل تانى بس الموبايل كان مقفول
كان مش هيجى انهارده بس فضوله اجبره انه يروح ويقعد
سمع صوت خطوات قريبه رفع راسه
وبدهشه : انته
بابتسامه استهزاء: ايوا انا

مراد: بس انته مت
طلع مسدس : مش انا اللى مت انته اللى هتموت

فى مكان جديد
مش بعيد عن المكان اللى فيه مراد
السواق بتاع عربية مراد دخل محل يشترى حاجه يشربها
وفجاه يسمع صوت رصاصه اترعب الصدمه وقفته فى مكانه
بس لما شاف الكل بيجرى للمكان اللى طلعت منه الطلقه
جرى معاهم بسرعه وعند كرسى موجود ع الشط لقوا دم فى الارض
ومفيش حد سمعوا صوت موتوسكل وفجاه مفيش صوت مفيش اى حاجه
صدمه من الكل
بسرعه افتكر محمد السواق ان مراد كان ماشى لهنا
اتصلوا بالبوليس واستنوا ع ما يجوا بئه والصبر مفتاح الفرج


.. اذا عجبتكم نكملها :roll:

صورة العضو الشخصية
شيطلائكية
عضو نشيط
عضو نشيط
مشاركات: 2800
اشترك في: الأحد يوليو 03, 2011 4:09 pm

نور فارس.. بقلمى

مشاركةبواسطة شيطلائكية » الاثنين مايو 12, 2014 3:11 am

مبدئيا .. لديك حس قصصي عالي .. لديك مقؤمات حياكة قصة .. اعجبتني التفاصيل التي باللغة العربيه في البداية ..
النقله من اللغه العربيه للعامية هنا لم يكن ممهدا لها ..هو اسلوب كثير من الكتاب والكبار منهم ايضا ..ان ينتقلوا من العربية للعامية ..
هذا بخصوص الشكل العام للغويات السرد ..

بالنسبة لتلك المسكينه ..نور .. وهي بطلة القصه بحكم ان اسمها جزء م العنوان
اشفقت عليها ..شعرت انها تعيش مع وحش يجب ترويضه ..لا ادري هل ستظل سلبية هكذا ام انها ستروضه فيما بعد ..
لكن نبذة الاستسلام والبؤس التي حاكاها التفاصيل الاولى جعلني أخذ عندها انطباعا انها بائسه ..

بالنسبة لفارس ..
ذكرني بسي سيد لكن بطريقه عصريه .. هذا النموذج من الرجل متكرر في عالمنا الشرقي العربي ..
وخضوع المرأة له يزيده سوءاً وجبروتا ..

الى الان المعالم مشوشه ولم اتعرف الا على الابطال الاساسيين للرواية .. لكني اتوقع احداث كثيره وسريعه ونقلات غير متوقعه
نص عقل مفقود ..مرحبا بك في منتدى القصص .. قلمك خصب...في انتظار جني حصاده .
اكمل ..اكمل

صورة العضو الشخصية
نص من العقل مفقود
مشاركات: 20
اشترك في: الأحد مايو 11, 2014 1:50 pm

Re: نور فارس.. بقلمى

مشاركةبواسطة نص من العقل مفقود » الاثنين مايو 12, 2014 9:55 am

:) اسعدنى اهتمامك
وارجوا ان يعجبك القادم
تحياتى

صورة العضو الشخصية
نص من العقل مفقود
مشاركات: 20
اشترك في: الأحد مايو 11, 2014 1:50 pm

نور فارس.. بقلمى

مشاركةبواسطة نص من العقل مفقود » الاثنين مايو 12, 2014 9:57 am

الحلقه/// 2///
باليل الساعه 11
القاعه اللى فيها الحفله مليانه ناس كلهم بيجاملوا بعض ابتسامات صفرا
وكلام فى البزنس والشغل وبس الكل كان لابس اسود اللى حدده مراد للحفله
كانت عادة عنده كل حفله يعملها يختار لون معين الكل لازم يلبسه بس فين مراد نروح ونشوف
اياد بعصبيه : قالنا نكون موجودين وهوه مش هنا وموصلش لحد دلوقتى
سامر بتوتر: مش من عادته انه يتاخر عن مواعيده ابدا
رشاد بتفكير: انا هتصل بالسواق واساله
اياد: او ك وانا هكمل استقبال الضيوف سامر تعالا معايا
سامر: اوك يلا بينا
وعند رشاد
:ألو
محمد: الو مين معايا
رشاد: انا رشاد فين مراد يا زفت
محمد بارتباك: رشاد بيه مراد باشا اختفى
رشاد: اختفى !! مش وقت هزار انجز فين مراد
محمد: بس انا مبهزرش حضرتك تقدر تيجى العنوان ده وهتفهم كل حاجه
اكتب عندك " شارع 6 ....."
وبسرعه اتصل رشاد باياد وسامر وقالهم يجو عند الكراج
ركبوا عربياتهم وطلعوا كل واحد بعربيته باقصى سرعه
فى عربية اياد
اياد: اوف اكيد حصله حاجه يا ربى انا كنت حاسس اصلا
مخدش باله من العربيه النقل اللى كانت قدامه عالطول
وخبببببببط فيها
سامر اللى شاف الحادثه : اياااااااااااااد
وقف بسرعه لما شاف الحادثه دور بعيونه ع رشاد بس خلاص
كان مشى ومخدش باله بسرعه جرى ع عربية اياد عشان يطلعه بعد ما سواق النقل هرب وسابه
سامر: ايااااد قوم الله يخليك قوم كفايه مراد
اياد وقتها كانت حالته فعلا صعبه جسمه بينزف ودماغه كان ليها النصيب
الاكبر من الالم كان سامع سامر كويس بس مش قادر يتكلم ولا يفتح عينه حتى.
اتصل سامر بسرعه بالاسعاف وهوه مرعوب ع اعز اصحابه .
عند رشاد
قرب من المكان وقاعد يشتم فى سامر واياد اللى كانوا معاه واختفوا
بيرن ع موبايلتهم سامر موبايله مشغول واياد مغلق

وصل عند محمد ولقا معاه اتنين ضباط" باسم \ على "
رشاد بعصبيه : فينه مراد
باسم : حضرتك تعرف الضحيه
رشاد بدهشه: ضحيه !! انته اكيد غلطان محمد فين مراد
محمد: حضرة الضابط يقدر يشرحلك كل حاجه
على: استاذ رشاد اهدى بس واحنا هنفهمك كل حاجه
رشاد: هديت فهمونى وبسرعه
باسم: اللى عرفناه لحد دلوقتى انه اخوك كان هنا بشهادة محمد وبفحصنا للبصمات الخبر الكويس انه محصلهوش حاجه طول ما هوه هنا والوحش ان مصيره مجهول ومش عارفين راح فين او مع مين.
رشاد: انا مش فاهم حاجه اخويا فين ؟؟
على : اخوك مفقود يا استاذ ولازم حضرتك تساعدنا وتقولنا فين
الاماكن اللى بيروحها استاذ مراد؟
رشاد: مش بيطلع غير من البيت للشركه ومن الشركه للبيت
محمد: صح كلام الاستاذ رشاد لان استاذ مراد من شهور وهوه مش بيروح
مكان غير الشركه ويرجع تانى للبيت؟
باسم: طب مين صحابه وعناوينهم
رشاد: ملهوش صحاب
محمد: الا استاذ فارس
رشاد بنظره غريبه لاحظها باسم : فارس مبقاش مننا ومش صاحب مراد
على: يعنى ملهوش صحاب خالص
رشاد: اه معندهوش وانا همشى ويا ريت اى اخبار عنه اكون اول واحد يعرفها.
محمد: بس يا استاذ رشاد
رشاد: من غير بس يلا سلام وسابهم ومشى وسط استغراب من الكل
ودعهم محمد هوه كمان
باسم: على حط رشاد فى قائمة المشتبه فيهم ومحمد كمان
على: بس رشاد ده اخوه!!
باسم: اسمع اللى بقول عليه بس
على : حاضر يلا بينا بئه نطلع ناكل عشان هموت من الجوع
باسم : اوك بس الحساب عليك يا كبير
على: انا اصلا مش جعان هههههه
باسم: كدا طب كويس كنت هعزمك اصلا
على : اوووووووووبا هتاكلنى
باسم: انته قولت مش جعان هننام وبعدين نبقى ناكل
على بزعل: اوك اوك
باسم: هههههههه امته يا رب اشوف على مش جعان هناكل متخفش يا حمار
على: احلى حمار يا بيبى هههههههههههههه
باسم : هههههههههه
عند فارس ونور
الباب خبط
قامت عشان تفتح متاكده ان هوه لان خبطته مميزه جدا
فتحت الباب وانصدمت من اللى شافته
فارس ومعاه ومراد اللى كان مغمى عليه
فارس: وسعى بسرعه
دخل بمراد وحطه ع الكنبه وقعد جنبه يبصله بنظرات غريبه
معرفتش تحدد نظراته بسبب النضاره اللى ع وشه
بس متاكده انها مش نظرات سعاده فضلت واقفه ونظراتها
بتنتقل بين مراد وفارس
نور" هههههههه صعب التفريق بينهم نسختين من بعض بس يا ترى ايه اللى جابه هنا وليه فارس عمل كدا !!!"
فاقت من سراحنها ع صوت فارس وهوه بيناديها
فارس: سرحانه هههههههه هعذبك واعذبه
نور بخوف: فارس انا
فارس بابتسامة سخريه : ششش ولا كلمه
قام وقرب منها وهيه بتبعد اكتر خايفه منه لحد لما خبطت فى الحيطه
اللى وراها كان اقرب ليها من نفسها رفع ايده ولمس بصوابعه وشها براحه
حس بخوفها الجامد منه كان نفسه ياخدها فى حضنه بس اللى عمله انه رفع ايده ونزل بيها ع وشها جامد : انتى تسكتى خالص فاهمه
نور والدموع فى عينيها من الالم : فاهمه
نزلت بعينيها للكنبه اللى نايم عليها مراد" الله يعينك ويعينى الله يسامحك بجد يا فارس"

فى مكان تانى
: واخيرا عرفنا نجيبك هنا
سامر بخوف: انتوا مين ليه مغمضين عينى
:هههههههه انا اللهو الخفى بئه
سامر: انا هوديك فى داهيه فكنى
: هههههههه مش لو طلعت من هنا حى خدوه هوه و اخوه
الدور عليك يا فارس.
سامر حس بتلاته مسكوه ودخلوه مكان حس بحد معاه وقال
اكيد اخوه بس مين دول واخدينه هنا ليه وايه علاقتهم بفارس
فين مراد ؟ وفين رشاد ؟ انا فين اصلا ؟


خلصت الحلقه
ايه علاقة سامر واياد ورشاد ومراد ببعض؟
ايه علاقة سامر بيهم ؟
وهل لمحمد دور كبير فى القصه ؟
كل ده فى اللى جاى :)

soujood αℓro7
عضو نشيط
عضو نشيط
مشاركات: 2588
اشترك في: الأحد مايو 16, 2010 2:43 pm

نور فارس.. بقلمى

مشاركةبواسطة soujood αℓro7 » السبت مايو 17, 2014 12:58 pm



استمري .. متابعة بإذن الله

صورة العضو الشخصية
نص من العقل مفقود
مشاركات: 20
اشترك في: الأحد مايو 11, 2014 1:50 pm

نور فارس.. بقلمى

مشاركةبواسطة نص من العقل مفقود » السبت مايو 17, 2014 6:42 pm

نور فارس 3
الساعه 7 الصبح
صحى وفضل يبص حواليه " دى مش الفيلا بتاعتى انا مش ع سريرى انا فى مكان معرفهوش ومين ده اللى واقف عند المرايه " لف وشه وبعدها جسمه وهوه موجه نظره ناحية الشخص اللى قاعد ومستغرب وجوده
فارس: ههههههه كويس انك صحيت قبل ما امشى
مراد بصدمه: انتى جايبنى فين
فارس: متخفش مكان امان هسيبك " وبابتسامة سخريه " تتعذب فيه مش اكتر
حول نظره ناحية اوضه مقفوله : هقتلك لو فكرت مجرد تفكير انك تدخل هناك فاهم !!
مراد: مش فاهم واحنا فين بقولك
فارس: ششش مسمعش صوتك خالص يا توأمى العزيز
مراد بتعب: طيب فارس مممم انته عايش اهو فين نور
فارس بعصبيه مفاجاه: اخرس اسمها ميجيش ع لسانك نور ليا بتاعتى انا
مراد ببرود: متنساش انها مراتى انا يا فارس
فارس: مراتك سابقات بقت طليقتك ولا انته نسيت
ومش عاوز كلام اكتر من كدا انا ماشى سلام
طلع وقفل الباب جامد مسك القفل وحطه ع الباب ومشى.
مراد بصوت عالى : فيه حد هنااااا... انا فين ؟
محدش رد خالص بس حس بحركه فى الاوضه اللى حذره فارس منها
قرب منها وحاول يفتحها " مش هينفع لازم الباب يتكسر"
كان خايف من تحذير فارس المتهور اللى ممكن يعمل اى حاجه
بس قرر يفتح الباب
باقصى قوة كسر الباب وانصدم : لااااا مستحيل

عند رشاد
صحى لقى نفسه نايم فى الصاله حاول ينشط ذاكرته ع السريع
افتكر رجوعه من عند محمد الاتصال اللى جاله وقال ان سامر
واياد عنده ومش هيرجعوا الا مقابل حاجه واحده وبالنسبه لرشاد
الحاجه دى مستحيله افكاره اتلغبطت شاف الكاس اللى قدامه
رماه من العصبيه : اووووف قولتلهم يكونوا معايا اغبيه
قام من ع الكنبه غسل وشه لبس الجاكيت وطلع ع الشركه وهوه كاره نفسه

" سامر واياد"
جرد لميه متلج نزل ع راسه وقومه غصب عنه لما صحى كانوا فكوا الربطه
اللى ع عينيه وشاف اياد اللى لسه نايم والراجل اللى كله عضلات
قام ابو عضلات: الفطار اهو عاجبك كله مش عاجبك اخوك ياكله وبسرعه
عشان ورانا مشوار مهم
سامر: نعم مشوار ايه وانتو امين اصلا
الراجل: معنديش معلومات خلص ونادينى وطلع
وساب الف سؤال فى راس سامر

فى الشركه 2 الضهر
رشاد بتعب: ياااااااه مراد كان بيعمل كل ده بجد ربنا يعينه
انا تعبت خلاااااص
هديل السكرتيره : سلامتك يا استاذ رشاد
رشاد باحتقار لشكل رشا : مش عاوز حد تانى ولا حد يدخل وانا مش هنا
فاهمه ولا؟
هديل: لا فاهمه فاهمه" غبى ومغرور"
رشاد: يلا من هنا عاوز الغدا هنا بسرعه
هديل : تحب تاكل ايه حضرتك
رشاد باستهزاء: اشتغلتى فى مطعم حضرتك بره وناديلى قمر بسرعه
هديل: عاوز قمر ليه
رشاد: ههههههههههه مراتى بتسالينى يلا بره
طلعت هديل وهيه كرهه اليوم ده من اوله
راحت عند مكتب قمر: رشاد بيه عاوزك
قمر بابتسامه: حاضر بس ليه الزعل ده
هديل بكره : ملكش فيه روحيله وانتى ساكته
مشيت قمر لحد مكتب رشاد
بهدوء كعادتها دخلت لقته مولع سيجاره وبيشربها
غصب عنها قعدت تكح جامد لحد لما حست
ان روحها شويه وهتطلع
رشاد: مالك
قمر قاعده تكح وطلعت عند الباب عشان تهدى
رشاد فهم ان كل ده عشان السجاره قفلها وقام وفتح الشباك
وبابتسامه : ادخلى خلاص طفيتها
قمر باحراج من نفسها: انا اسفه بس انته عارف ان انا
رشاد: هههههههه خلاص خلاص هدى نفسك وشك بئه زى الطماطم
قمر : احم اصل اصل يعنى
رشاد: يا ستى اهدى بقولك ايه تيجى نتغدى بره
قمر : لكن الشغل
رشاد: انا صاحب الشركه ومديكى اجازه خلاص يلا بينا بئه
قمر: طب ورشا
رشاد: متجيبيش سيرتها بئه
قمر: هههههههه لسه كارهها
رشاد وهوه طالع معاها بره المكتب: هههههههههه ومش هحبها ابدا
قمر: طب يلا عشان منتاخرش
طلعوا مع بعض من الشركه ومش عارفين ان فيه كتير
حواليهم حاقدين ع لحظه بيعيشوها بسعاده

فى شقة فارس
دخل ولقاها نايمه ع السرير وشكلها مختلف جدا عن الاول
نور الحلوه الشيك بقت اشبه بهيكل انسان مش اكتر
دخل وقرب من السرير : نور نور اصحى
قامت بس لسه مغمضه عيونها قالت حاجات مفهمش منها ولا كلمه
بعد كدا ابتسمت وفتحت عيونها : صباااح الخير يافـــ مراد ازاى دخلت هنا
مراد بصدمه : انتى ازاى هنا
نور : اطلع برا بسرعه واقفل الباب فارس لو شافك هنا هيقتلك ويقتلنى
مراد: يقتلنى ميهمنيش انتى بجد وحشتينى
نور : هههههه اظن الكلام ده ملهوش اى لزمه اطلع من هنا بعد اذنك
اطلع بره مبهزرش
وفجاه
: الله عليكم بجد عاوزين ليكم صوره كدا
نور: فارس انته
فارس: ششششششش وانته تعالا يا ابن الـ........
نور: فارس لاااااااااااااااا


العودة إلى “منتدى القصص”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد