• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

اقف مع ابويا يجوزنى امونا الغولة

في هذا المنتدى يمكنك كتابة قصة من بنات أفكارك، مناقشة فكرة قصة، او عرض قصة أعجبتك ليطلع عليها الأعضاء وزوار المنتديات الآخرين
صورة العضو الشخصية
دخان بلا ملامح
عضو خبير
عضو خبير
مشاركات: 14739
اشترك في: الأحد أكتوبر 07, 2012 6:36 am

اقف مع ابويا يجوزنى امونا الغولة

مشاركةبواسطة دخان بلا ملامح » الجمعة مايو 09, 2014 9:35 am

كنت في يوم من الايام .. قاعد في الغرفة بروحي لا لي ولا علي .. قاعد اسمع مسجل ..من الملل ويش اسوي( الشكوى لله ) كانو اهلي مسافرين .. وما في البيت إلا انا والوالد .. والوالد منشغل في تجارته الكبيرة ... منشغل في محل الخضرة اللي فاتحه في اخر الشارع ... والمشكلة ان ما فيه احد يشتري ...يجي اخر الاسبوع ويوزع البضاعة على الجيران .. والجيران ياكلون والمستشفيات تستقبل حالات تسمم من فريقنا بالهبل ... تصدقون ان فريقنا محد بقى فيها إلا إحنا بس .. إللي مات ضحية تسمم .. وإللي تحوّل من الفريق عباله فيها مرض وبائي يعدم الناس .. ؟ المهم

كنت قاعد اسمع المسجل ما شفت إلا هذيك الرجفه إللي جت في باب الغرفة وانفتح .. من قوة الرجفة ... الباب تكلم قال ( آي الضربة تعور ) .. دخل علي الوالد وهو متضايق .. كأنه شايل هموم الدنيا كلها على راسه.. قعد صوبي وقالي . يا ولدي انا في مشكلة .. وابيك اتطلعني منها .. انت آخر أمل لي .. صراحه انا يوم شفت الوالد يقول جذي على طول طفيت المسجل .. وقلت للوالد خير .. قالي ابيك يا ولدي تضحي عشاني .. خلص الوالد كلامه على طول انا وقفت وضربت صدري وقلت .. ان شاء الله ابوي من عيوووني .. طالعني وقالي اقعد واسمعني زين لا احط حرتي فيك .

طالعني ابوي بنظرة .. حسيت انه يطالع قرد في حديقة حيوان بعده مافتحوها .. طالعني وقالي .. انت فاهم غلط يا ولدي .. انا ... انا ... انا ابيك تتزوج ... يوم قال جذي قلت في نفسي شكله الوالد ... اكل من محل الخضرة ماله .. وهذي اول علامات التسمم .. المهم قلت للوالد ابوي انا ما فهمت شي ... تأفف وقالي كلمه ما راح انساها بالمرة . قالي من وين جايب الغباء ... الظاهر ماخذ ه من واحد من ربعك ما اذكر انا غبي وإلا امك .. انا يوم قام يزف قلت ابو ي ادخل في الموضوع .. ويش تبي تقولي .. طالعني وقالي :
اسمع يا ولدي .. انا تسلفت من ريال .. كريه .. كريه حده .. لو تشوف شكله كأنه قير عادي .. الريال هذا الحين يطالبني بالدين اللي علي وانت تعرف يا ولدي ان ما عندي فلوس .. فلما قلت له ما اقدر الحين.. قالي ..


قالي :عيل خل ولدك يتزوج بنتي وإلا بشتكي عليك ..اول ما خلص كلامه .. قلت وانا متشقق من الفرح ..الله يخليك لي ياابويي .. اخيرا بتزوجني .. والله ابي ابوس راس هالريال اللي حدّك علي .. وبيحقق امنيتي ... امنيتي اللي قعدت اتحايل عليك سنوات عشان تنفذها .. من كثر ما اتحايل عليك حسيت ان قطار الزواج فاتني .. ( اي قطار إلا انقلو محطة الزواج كلها عني مو بس فاتني القطار ) ...

المهم قام يطالعني ابويي وانا متشقق .. نظرة واحد كأنه بيشوف شخص لأخر مرة في حياته .. ( نظرة وداع ) .. وقالي .. لا تفرح يا ولدي .. البنت اللي بتتزوجها .. بنت تعتبر في غاية القبح .. يعني تقول للقبح تباعد بقعدمكانك .. يا ولدي القبح نفسه احلى منها .. لأن وجهها ما يخطر على بالك .. منتفخ .. كأن فيه خلية نحل مقرصة هاجمة على ويهها .. هو قال جذي حسيت ان الارض ماتقدر تشيلني .. بغيت اطيح دوره .

اقتنعت بكلام الوالد .. ومرت الايام .. وتزوجت .. ودخلت سجن الزوجيه ( قصدي قفص الزوجية ) .. زفونا المعازيم الى غرفة النوم .. وانا في الطريق للغرفة كنت افكر شلون .. يت في بالي افكار وايد .. منها اقتل ابو البنت وادخل السجن .. وهناك راح اخذ نفس المصير إللي اباخذه هني .. ماتفرق عندي .. بس يمكن السجن يكون ارحم ... وإلا اسوي روحي ميّت بسكته قلبية .. صراحه كل الحلول ما نفعت حسيت اني جندي عراقي .. كل مخططاته تفشل .. ما حسيت الا وانا داخل في الغرفة
اترككم الحين مع الجزء الثاني مع هالمسكين اللي امه داعيه عليه الظاهر:
وانا داخل في الغرفة ؟؟ وهناك انا شفت شي .. غريب .. شي ما ينوصف ... اللي قاله ابوي شوي .. لأني حسيت انه كان بيخفف الموضوع عني .. ومايبي يصدمني ....

دخلت الغرفة ..طالعت يمين ويسار .. ما لقيت العروس .. صراحه استانست .. وحمدت ربي اني ما شفتها .. وفي نفس الوقت .. دعيت انها تموت .. قبل ما تدخل علي في الغرفة .. وانا ادعي كانت عيني تلف في الغرفة .. صراحه فيه شي شدني .. شفت في الغرفة ثلاث طاولات .. ثنتين على يمين السرير ووحده عن يساره ... قعدت افكر شوي .. وقلت شكلهم نسوا الطاولة الثانية . المهم خلني اسوي روحي نايم على السرير .. على شان إذا جات تشوفني نايم .. رحت على السرير .. توني قاعد ..
.. إلا طلع صوت وحده مادري واحد .. المهم يقول شحوالك .. انا قمت انتفض كأني خلاطة اسمنت ..

التفت .. وقلت بسم الله الرحمن الرحيم من يتكلم .. رد علي نفس الصوت .. وقالي انا زوجتك يا ابو الشباب .. لفيت عند مصدر الصوت .. اول ما شفت الطاولة تحركت .. بلعت ريقي من الخوف .. تحركت الطاولة وجت صوبي .. صارت الطاولة هي زوجتي اللي قاعدة طول الوقت في الغرفة وانا ما ادري .. وأنا افكر جات وقعدت صوبي ... وقالت لي .. هلا والله حياتي .. صراحه ما تقبلت الصوت .. انا اعرف ان الكلمة اذا قالتها بنية تكون الكلمة رقيقة .. بس هي طالعة منها الكلمه كأنه صوت واحد مسوي عمليةلوز.. قالت لي .. يا عمري .. ما بتشيل الطرحة عن وجهي .. هي قالت جذي .. حسيت ولأول مرة بمعنى كلمة شلل نصفي .. انشلت رجولي ... وقلت بصوت يقطع كأنه سيارة مخلص بانزينها .. اقول ... اقول ... اقول .. انتي ايش اسمج .. باعدت وجهها عني ( يازعم مستحية ) وقالت لي .. انا ... انا .. ( هاله ) .. قلت ليها والله صادق ابوج يوم سماج( ) أول مرة احس انه سوى شي صح في حياته .

ما مداني اقول كلمتي .. إلا قامت وقعدت قدام وجهي .. صراحه البنت كانت مربعيه .. وقصيرة .. كأنها ثلاجة غرف نوم من النوع القديم .. قالت .. اول شي انا اسمي ( هالة ) مو ( ) .. وثاني شي اخلص شيل الطرحه .. بسرعه .. تر ى انا مت من الحر من مكيفكم هالتعبان .. وجهي صار كله عرق .. ساح المكياج من الحر ... اول ما خلصت قلت لها .. اقول يا ( هالة ) شي طبيعي يصير حر .. لابسه فستان صوف بني واحنا في عز الحر .. قاطعتني وقالت يالله شيلها .. قالت كلمتها وهي تقرب وجهها .. واسمع صوت نفسها كأنه نفس اسد وهو حاط وجهه في وجه فريسته .. مديت ايدي ورفعت الطرحه .. رفعتها وانا مغمض .. قلت في قلبي بفتح عيوني شوي شوي على شان اتقبّل الصدمه ... فتحت عيوني .. اول ما فتحتها .. شفت وجه .. ما اقدر اوصفه .. وجه احس انه داعمه تيلر .. المهم ما قدرت اكمل النظر لأنه اغمي علي ..
بس اعتبر الاغماء هذا اقصر اغماء مر على العالم الطبي كله .. كان مدته ثواني .. رجعتني () قصدي ( هالة ) لوعيي

كان في مخباها غرشة دهن عود .. كبتها كلها على راسي .. قعدت وانا خايف .. اول ما قعدت رحت صوب رجولها .. قلت ارحميني ارجوج .. ( هالة ) انا مستعد اكون اسير .. عامليني معاملة اسير حرب قبل معاهدة جنيف ... اضربيني .. خليني اغسل صحون .. واغسل الثياب .. بس لا تقولين لأحد انج زوجتي .. استري علي .. عاااااااد .. قعدت اصيح .. وانا اترجاها .. قامت وقالت لي .. اقول انا زوجتك غصباً عنك ... انا ما صدقت اني اتزوج .. تبي تطعن انوثتي .. هي قالت انوثة نشف الدم اللي في وجهي كله .. وقفت وقلت لها اي انوثه .. انتي وشعرج اللي كأنه شمس ... كل شعرة رايحه في جهه تقولين يلعبون خشيشه .. وبعدين ويش هالمكياج .. اللي حاطتنه .. هذي ولا سمكرة ( الحدّاد ) مالت المرسيدس .

اقول ابو الشباب .. مهما قلت انا حليوه .. وانا قاعدة على قلبك .. يالله قوم تعال وياي .. انا جايبه لك فلم مرعب من عند خواني ابي اشوفه انا وياك
الى اللقاء مع النهاية
تقبلو تحياتى

^^ بنوتة مصرية ^^
عضو مميز
عضو مميز
مشاركات: 7379
اشترك في: الخميس نوفمبر 21, 2013 2:53 am

اقف مع ابويا يجوزنى امونا الغولة

مشاركةبواسطة ^^ بنوتة مصرية ^^ » السبت مايو 10, 2014 8:37 am

السلام عليكم و رحمة الله و بركاته

ربي يحفظك أخي

صورة العضو الشخصية
راجية الفردوس
عضو نشيط
عضو نشيط
مشاركات: 3321
اشترك في: الخميس يناير 02, 2014 3:23 am

اقف مع ابويا يجوزنى امونا الغولة

مشاركةبواسطة راجية الفردوس » السبت مايو 10, 2014 1:06 pm



هههههههههههههههههههههههه ينهر ابيض دا بجد
لو بجد الله يكون بعونك اخي ههههههههههههههههههه

ههههههههههههههههههه مت ضحك

والله اخي الجمال جمال الروح مش الشكل

متابعه معك

تحياتي




صورة العضو الشخصية
دخان بلا ملامح
عضو خبير
عضو خبير
مشاركات: 14739
اشترك في: الأحد أكتوبر 07, 2012 6:36 am

اقف مع ابويا يجوزنى امونا الغولة

مشاركةبواسطة دخان بلا ملامح » السبت مايو 10, 2014 4:11 pm

[quote="هكروك يا قلبي"]

هههههههههههههههههههههههه ينهر ابيض دا بجد
لو بجد الله يكون بعونك اخي ههههههههههههههههههه

ههههههههههههههههههه مت ضحك

والله اخي الجمال جمال الروح مش الشكل

متابعه معك

تحياتي

جزيل الشك على المتابعة شكرا جزيلا



العودة إلى “منتدى القصص”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد