• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

كرنفال الرعب القصة الاولى ( حتى الموت ) .

في هذا المنتدى يمكنك كتابة قصة من بنات أفكارك، مناقشة فكرة قصة، او عرض قصة أعجبتك ليطلع عليها الأعضاء وزوار المنتديات الآخرين
صورة العضو الشخصية
C0nTr0L
صديق 12 شات
صديق 12 شات
مشاركات: 198
اشترك في: الجمعة مايو 10, 2013 7:12 pm

كرنفال الرعب القصة الاولى ( حتى الموت ) .

مشاركةبواسطة C0nTr0L » السبت سبتمبر 28, 2013 1:21 am

كل يوم قصة مرعبة جديد فى كرنفال الرعب قصص منقولة صوتيا لاول مرة من أجل عيون رواد منتدى 12

صورة



**
انا اسمى سعاد سيدة متزوجة مش صغيرة فالسن مش زيكو عمرى كبير شويتين وانا من الى بيقولو عليهم بيتجوزو اصغر منهم فالسن أتجوزت محمد الى بيصغرنى فالسن مجاملة هقول حوالى 15 سنة ايوة 15 سنة الست لما بتكبر وكل الناس بيسيبوها واحباببها بيفارقوها بتحس بالوحدةوالالم وده مايحسوش الا حد فنفس موقفهااو زيها أنا سيدة ثرية وجميلة ومن عائلة ثرية وقابلت محمد وحسيت انو الانسان المناسب برغم فارق السن لكن ماكنتش اعرف ان جوازى منه ممكن يكون سبب تعاستى بعد مرور سنة من الجواز فيوم وانا قاعدة لوحدى فالبيت كنت معدية جمب الحمام وسمعت صوت غريب زى مايكون حد بيهمس جوة الحمام انا مش من الناس الى بتهتم بالعفاريت والحاجات دى ممكن يجى فبالى بس ده مش اول خاطر هيجى فبالى بس فى صوت فالحمام بعد كده صوت الهمس قلب بقا صوت ضحك مش صوت واحد ولااتنين ده صوت مجموعةدخلت الحمام اشوف فى ايه مالقتش اى حاجة نسيت اقلكو ان ربنا كرمنى وخلفت منو بنت زى القمر وفيوم بتلعب وانا واقفة قدام الحمام بتبصلى جامد وبتضحك قوى وبتشاور ورايابتشاور بايدها على حاجة ورايامادتش بردو للموضوع اهتمام لكن فجأة بعد ماكانت بتضحك الموضوع اتقلب لعياط وصراخ جامد جدازى مايكون شافت حاجة فعلا مفزعة كل ماتحرك بيها راسها تلف تانى اتجاه الحمام وانا ابص على الحمام مفيش حاجة اوجه راسها ناحيتى تبص تانى ناحية الحمام وتصرخ قربت منها ناحية الحمام بدأت تصرخ اكتر ويجيلها زى تشنجات ابعد عن الحمام تبدأ تهدا جريت خطيتها فالاوضة بتاعتهاوهديتها وحطتلها كام لعبة قدامها فسكتت وقلت لازم اروح الحمام اشوف فى ايه روحت الحمام المرة مش ملاقتش حاجة لا لقيت بقعة كبيرة قوى فالحيظة زى مايكون فى رشح فالحيظة المفروض ان ده شىء عادى لكن الى مش عادى ان الرشح بيحصل قدامى وبقعة المية دى عمالة تكبر تكبر بتاخد حيز كبير قوى من الحيظة كانت فالاول واخدة شكل المية لكنها بدأت تاخد اللون الاسود زى مايكون البقعة دى من الشحم محمد كان نايم وقتها جريت عليه يامحمد اصحا يامحمد فى حاجة غريبة فالحمام الشة الى فوقينا اكيد فيها حاجة الى مسببة ده ولا فى ايه محمد قام مفزوع وبيجرى لكن لما وصل عند الحمام بصراحة هو كمان خاف قلتلو ادخل شوف فى ايه لقيتو طالع يقلى منك لله ياشيخة قلتلو مفيش حاجة ولا ايه قالى طبعا مفيش حاجة وطبعا سمعت بقا سيل من التهزيق صحتينى وقلقتينى قلتلو انا اسفة يمكن عشان بقالى يومين مانمتش بس بنتك كانت شايفة حاجة والله العظيم قالى بقلك ايه انا هدخل انام ولو الجن الازرق طلعلك ماتصحنيش قولتلو خلاص انا اسفة اسفة عدا يوم والتانى والتالت والموضوع مابيتكررش بصراحة بس مش راضى يروح من بالى كنت كل شوية اعدى من جمب الحمام وابص عليه زى مايكون انا مستنية حاجة تحصل انا عاوزاها قلت خلاص اكيد انا كان بيتهيألى او عنيا زغللت لازم الاقى تفسير عشان ماتعبش عديت جمب الحمام وانا ناسية خلاص الموضوع لكن لما تكون واقف وتحس انى فى حاجة عدت بسرعة من وراك فى هوا كده بتحس بيه اتلفت ورايا وبصيت مالقتش حاجةبس الهوا الى حسيتو ورايا ده مابيتهيأليش .

صورة

وقفت متجمدة مكانى فالحمام وانا مش فاهمة ده ايه جيت اطلع من الحمام الباب اتقفل وانا جوة ونور الحمام انطفى بيتهيألى مش محتاجة احكيلكو قد ايه الموضوع مرعب لو حد فالموقف ده هو ده الى حصل معايا بالظبط قلت بس اكيد الهوا الى قفلو وبدات امد ايديا قدامى فالضلمة اتحسس طريقى للباب كالمكفوفين فجأة صرخة قوية خلعت قلبى محستش بعدها الا وجوزى بيقولى فوقى ياسعاد فى ايه فوقى ياسعاد وعمال يخبط فيا فتحت عنيا وانا اسفة فالى هقولو حسيت ان فى حاجة فبطنى لازم تخرج جريت على الحمام وقعت على الارض مالحقتش اوصل للحوض نزل من بطنى حاجات سودة كانها شحم وعمالة امسح فبقى عشان الحاجات الى بتنزل دى لكن مش المشكلة فالحاجات السودة المشكلة ان نزل معاها 3 مسامير صغيرة جدا انا مش عبيطة ولا هبلة فى 3 مسامير خروجو من معدتى لكن انا حسة ان فى لسة حاجة عاوزة تنزل رجعتها فالاخر لقيت ورقة صغيرة متكلفتة بحاجة زى الصوف او الشعر بس ملفوف عليها زى مايكون خيط جوزى واقف ورايا ويقلى ايه ده قلتلو الى انت شايفو للمرة التانية بردو فقدت الوعى لكنى حاسة انى متبنجة فى ناس عمالة تروح وتيجى وشوش وناس بتتكلم وحاجة زى سحاب ضلمة بيعدى من جمبى وصوت عمال يقول ايوة احسن وبدات افوق اكتر وسمعت صوت جوزى وهو بيقول انا لاقيتها حصلها ده الوبنت فضلت تعيط وتصرخ وقلت اعمل ايه اعمل ايه فتحت عنيا وحاولت اقوم على السرير لكن زى مايكون حد جايب اتقل حاجة ممكنة وحاططها على جسمى كله حاولت اقوم اقعد محمد شافنى جرى عليا وقالى استنى هسندك ايه الى حصل قلتلو الى حصل الى انت شوفتو قالى انا ماشوفتش حاجة انا جيت لاقيتك واقعة
قلتلو جيت لاقتنى واقعة ازاى انت مش شوفت المسامير واللفة قالى مسامير ايه ولفة ايه قلتلو مسامير ايه ولفة ايه قالى اخكيلى بس واحدة واحدة ايه الى حصل قلتلو انا لما سمعت باب الحمام اترزع جامد حصل قدامى صرخة رهيبة جدا لكن ماكنتش المشكلة فالصرخة وماتسالنيش شوفتو ازاى كان فى حاجة زى كلب اسود ضخم كبير كان واقف معايا فالحمام فالضلمة لوحدى قلتلو انا بقلك ماعرفش ازاى ده حصل والله العظيم ماعرف فى كلب كان واقف معايا فالحمام فالضلمة انا وقفت مكانى ومش عارفة اعمل ايه لكن هو مكنش واقف مكانه كان بينبح بقوة عليا فاللحظة دى النور رجع المفروض انا لما النور بيرجع الاقيه اختفى لكن لا لقيتو زى ماهو موجود كلب اسود كبير وكان موجود قدامو لحمة نية وبقو مليان دم من كتر مابياكل منها كان منظرو مقرف جدا وبياكل ومش معايا خالص لكن لما حاولت اقرب من الباب شافنى بصلى وبعدها انت جيت قالى انا ماجيتش كان بيبصلى وكانو بيقلى انتى مجنونة قالى وفين بقا الكلب وفين الحاجات الى بتحكى عليها انا معرفش انتى قصدك ايه لو انتى تعبانة نفسيا نروح لدكتور لكن لو بتكدبى معنديش حاجة اقولها قلتلو انا متاكدة من الى انا بحكيه وقمت من الاوضة جريت على الحمام لقيت الورقة ورقة قديمة بشعة ملفوفة بشعر بنى ادمين فكيت الشعر الى مربوط من عليها زى مايكون سلك لقيت الورقة مرسوم فيها حروف غريبة وروسمات وكان مكتوب فاخر سطر كلمتين حتى الموت احمد حاول يتعاطف لانو كان شاكك انى مجنونة وقال هنشوف هنشوف وهاخدك للدكتور قلتلو دكتور ايه لدرجادى بتتعاملل معايا انى مجنونة رحنا للدكتور بعد مااقنعنى الدكتور قالى انتى كويسة بس بالنسبة للورقة والكلام ده عاوز اعمل اشعة تلفزيونية ومنظر عنيهم وهما مفزوعين وشكلهم بيموت خلانى اقول اه والدكتور بيقول مش ممكن مفيش معدة تتحمل ده قالى مش ممكن ازاى معدتك مليانة بكل المسامير دى والورق الملفوف ده قالى ازاى بلعتى الحاجات دى ومحمد لقيتو بيقولو انا ارجح انها بلعتهم وبيقولو بصراحة بقالها فترة تعبانة وبصراحة انا مقصر معاها بس اكيد ده هينحل بس لازم نروح لدكتور نفسى على طول انا بسمع الكلام ده قلتلو دكتور نفسى نروح لدكتور نفسى حاضر طلعت شيلت بنتى ولاقيت محمد يقلى كل حاجة وليها علاج وقلتلو انت ماتتكلمش خالص الى حصل ده ممكن يحط حد لعلاقتى معاك للابد قالى انتى عاوزة ايه الى انتى عاوزاه انا هعملو قلتلو عاوزاك الاول تصدقنى لانى انا مبكدبش قالى مين قالك انى مكدبك انا مستغرب زى زيك قلتلو خلاص ودينى لشيخ قالى نصابين قلتلو ودينى لناس بتعالج بالقران قالى مش هوديكى لحد قلتلو يبقا انت عاوز تدخلنى مستشفى المجانين قالى انتى خلاص الكلام معاكى مش مجدى خلاص هوديكى مطرح مانتى عاوزة روحنا البيت ونمنا كلنا لكن انا مانمتش اكدب مانمتش بفكر فالى انا فيه عينى غفلت تقريبا نص دقيقة وصحيت على صوت اشبه بصوت العفاريت ووشوشة بتقولك عينك مش هتشوف النوم تانى اصحى وصوت جهير مرعب صحيت من النوم استعيظ بالله من الشيطان وابص حواليا مالقتش حاجة لكن وانا صاحية اتكرر عليا نفس الكلام تانى وتالت ولا انا ماشية ولاانا نايمة صوت مرعب وصوت الكلب الى كان بينبح تانى فودانى معايا فالاوضة كانو الحارس معايا ايوة موجود فالاوضة اتجمدت فمكانى وانده على محمد الحقنى مرة واتنين وتلاتة ومحمد ولا هنا والكلب الى بينبح مابيعمليش حاجة قعدت انده واقول يارب يارب انت الى معايا يارب فاللحظة دى باب الاوضة اتفتح ودخل محمد مفزوع بيقلى فى ايه قالتلو بقالى قد ايه بنده عليك وانت مش سامع قالى انتى ماندهتيش انا دخلت اطمن عليكى وانتى مش عاوزة تباتى معايا فالاوضة هو انا عدو قلتلو لا مش عدو بس انت مش مصدقنى ومكدبنى وقلتلك ودينى لشيخ وانت شايفنى مجنونة ومعترض قالى والله العظيم كلمتو ياحببتى انتى نايمة بقالك يجى 10 ساعات قلتلو نايمة بقالى ايه قالى والله نايمة بقالك 10 ساعات ودخلتلك مرة واتنين وتلاتة لكن بلاقيكى نايمة بعمق قلتلو هيجى امتى قالى ده هو خلاص على وصول وفعلا جه اول مافتح الباب مادنيش فرصة اقول حاجة ياعم الشيخ انا شاكك ان الموضوع الى عندها نفسى قلتلو ارحمنى شوية وقلتلو ياسيدنا الشيخ شوفنى فيا ايه قالى انا عاوز اقعد معاكى حكيتلو كل حاجة وموقف محمد الى مجننى قالى هتيلى الورقة دى بسرعة محمد وهو داخل لقيت الشيخ عينو مع محمد ومبرقلى وبيبصلو قوى وقالى انتو الحمام بتاعكو فين قلتلو فاخر الطرقة دى قلتلو تحب اوصلك قال هسسسس اسكتى دلوقت وقام زى المتبنج ماشى ناحية الحمام فالطرقة قعد شوية ولقيتو خارج جوزى طلع قبلو قالى هوفين قلتلو دخل الحمام مش عارفة فيه ايه رجع الشيخ وبيقرا الورقة زى مايكون نفسو بيتخنق زى مايكون بيموت محمد كل شوية يبصلى باستهتار ويقلى مش ده الى انتى عاوزاه اشربى محمد بيقول للراجل فى ايه ياعم الشيخ الراجل الشيخ فضل يبرطم وفجأة وقع فالارض وكان بيقول محمد زينب ومحمد قلتلو شوفت بيقول اسمك قالى هو مفيش محمد غيرى طب ومين زينب اتفضلى قوليلى المهم فضلنا نفوق فالشيخ مدة طويلة لحد مافاق قلتلو فى ايه ياعم الشيخ قلى فيا ايه لقيت محمد بيقولو قلنا المدام فيها ايه ولا الى فيها كتير لدرجة انك مش متحمل قالو فى ايه يابنى انت بتعاملنا كده ليه على فكرة انت الى كلمتنى اجى يابنى انا لاطلبت منك ابيض ولا اسود انا مش واحد نصاب ولا دجال عاوزنى امشى هقوم امشى حالا قلتلو ابوس رجلك قولى انا فى ايه قالى يابنتى انتى فى جن لابسك قلتلو ايه جن ايه الى لبسنى قالى ماسمعتيش عن الاعمال انتى متوصى عليكى قوى متظبطة قوى يعنى بيطلعو بليل بيتشكلولك فصور اى شىء وممكن يكون جن ممكن يكون اكتر بس انتى يابنتى عليكى جن بص لجوزى وقالو بص يابنى انا قلت الى عندى ومعنديش حاجة اكتر من كده وشوف مين زينب دى مين قبل ماتموت هى وبنتك قالو اه هيموتو لو مالحقتهمش والسحر والعمل بالقدر ده هتموتو وانت كمان مفيش مشاكل ولا اقلك قلتلو قلى اعمل ايه قالى العلاج يابنتى عند ربنا هجيلك تانى بعدين يهديك يرضيك الرجل مشى وهو ماشى قالى دورى يابنتى دورى كويس بعد مامشى قلتلو احمد بقلك ايه الشقة دى كان فى مين ساكن قبلنا قالى انتى بتصدقى الكلام ده الراجل ده بيشتغلنا المرة دى ماخدش فلوس المرة الجاية ياخد وندبحلو مش عارف ايه وبعدين مين زينب بقلك ايه ماتفتحيش الموضوع ده تانى والا هتبقى كده بتنهى حياتنا قلتلو بنهى حياتنا عشان خايفة على نفسى وعلسينا سابنى ومشى خلاص انا كده بدات اشك فيه او هو عارف حاجة او هو لا مش هقولها بقيت كل مانام احلم بالاشباح واسمعهم تانى واسمع اصوات الى بتيجى من الحمام فوقت بعد الكلام ده وانا خايفة لاكن الى حصل لاقتنى نايمة فبانيو الحمام والحيطان كلها دم الحيطان بتنزف دم وانا اتشليت وانا فالبانيو فضلت ابص على الحيطان والى انا فيه وحياتى الى ضاعت صريخ قوووووووووووى جدا منى ورعب باب الحمام اتفتح لقيت واحدة ست واقفة على باب الحمام لابسة اسود وشها شاحب وشعرها اشود طويل فتحت باب الحمام وداخلة ناحيتى وانا بصرخ ولا اى حاجة فرقة معاها وجية عليا فضلت تقرب لحد ماوصلتلى وانا مش قادرة اقاوم لحد ماقربت وعينها فعينى جوة عينى على طول حسيت انى انا بتخنق وانى فجهنم وبعدها قامت قايمة جمب البانيو واقفة وساكتة حاولت اقوم شوفت اغرب منظر ممكن اشوفو محمد عند الباب بيتفرج بعدها بدقيقة لقيتو بيقول مالك فى ايه بعد ماكل حاجة رجعت زى ماكنت ومحمد هيقلى طبعا مالك فى ايه ويعاملنى زى المجنونة زقيته وجريت على اوضتى بس انا قررت اعمل حاجة تانية خالص قرت ارقبه كان خارج بليل قوى راح تحت عمارة كبير وقف تحتها وبعدها اتصل بيا وقالى انا هتاخر شوية وخدى بالك من نفسك ركب العربية ومشى لحد ماوصل لقية مش عارفة اسمها ايه وصل لبيت قديم دخل وانا وقفت برا بيت مضلم ومضاء بالجاز وقعد جوة وانا ببص لقيت ست عجوزة ومحمد بيقلها طيب وايه الى هيحصل بعد كده قالتلو انت مش شوفت بعينك الصبر يابنى لقيت بنت جميلة بتخرج من الاوضة انا عارفاها هى دى البنت الى ظهرتلى فالحمام دخلت لاقيتو خدها بالحضن وقالها وحشتينى وحشتينى يازينب الست العجوزة قالتلهم بس فى حد معانا فى حد سامعنا وغمضت وفتحت بصيت عليا انا عرفت انها شافتنى جريت منها جريت وركبت العربية وفكرت ازاى اقلب الى اتعمل فيا عليه ومش راجعة البيت اتصلت بصاحبتى سهام احكيلها الى حصل قلتلها مش عارفة اعمل ايه وحكيتلها كل حاجة قالتلى تعاليلى جيت انزل من العربية لقيتو واقفلى على باب العربية بيقلى كنتى فين قلتلو ايه انتى كنتى فين لاول مرة احس انو مابيكدبش شدنى من ايدى وقالى يلا نطلع فوق طلعت معاه الاوضة قلتلو انا ممكن اخرج الصبح شوية قالى عادى يعنى بليل شوفت 4 اشخاص 3 ستات وراجل وواحدة منهم قامت وفضلت تاكل لحمة زى بتاعت الكلب والدم مالى بقها وظهر تانى الكلب اياه لكن كان مربوط بجمزير وكانو كلهم بيزوومو زيه بالظبط هما والكلب مع بعض وصت صراخى بيدوى فكل المكان الكلب هجم وخد اللحمة الى مع الست وبياكلها وهى مبسوطة وهى اتلفتتلى ومبسوطة قوى لكن لما دققت اكتشفت انها سهام صاحبتى هل دى رؤية ولا دى ايه بداو يقولو كلام كلام ولاقيت فالبانيو حاجة دى انا هجمو عليا وبداو ياكلو فيا ولما جه من بره محمد كان زيهم وعمل زيهم واكل من لحمى زيهم وانا عمالة اقول يارب اصحا واهرب منهم كلهم صحيت من النوم لاقتنى عالسرير ومحمد جمبى وانا واخدة قرار واحد انا هنتحر هموت نفسى مهما مش هيسيبونى انا مين عشان اقاوم كل دول حتى صحبتى الموت الحاجة الوحيدة الى هتخلصنى منهم انا عارفة انى بنتحر يارب انا هعمل ايه انت هتسامحنى انا هموت نفسى انا وبنتى وهتبرع بكل اموالى لدار ايتام انا عارفة انو كان عاوزها سامحونى وانتو بتقرو القصة دى هكون مت انا اسفة انا فعلا اسفة .......

صورة العضو الشخصية
ęļ7òþ_3ζäь
عضو مميز
عضو مميز
مشاركات: 5640
اشترك في: الثلاثاء مايو 04, 2010 3:16 pm

كرنفال الرعب القصة الاولى ( حتى الموت ) .

مشاركةبواسطة ęļ7òþ_3ζäь » السبت سبتمبر 28, 2013 2:20 am

سلام عليكم


تسلم الايادي يعم الحج :>

صورة العضو الشخصية
C0nTr0L
صديق 12 شات
صديق 12 شات
مشاركات: 198
اشترك في: الجمعة مايو 10, 2013 7:12 pm

كرنفال الرعب القصة الاولى ( حتى الموت ) .

مشاركةبواسطة C0nTr0L » السبت سبتمبر 28, 2013 2:28 am

[quote="Äńå mô∫Ŀễm"]
سلام عليكم


تسلم الايادي يعم الحج :>

حبيبى انت ياحج :mrgreen: :mrgreen:

صورة العضو الشخصية
C0nTr0L
صديق 12 شات
صديق 12 شات
مشاركات: 198
اشترك في: الجمعة مايو 10, 2013 7:12 pm

كرنفال الرعب القصة الاولى ( حتى الموت ) .

مشاركةبواسطة C0nTr0L » الأحد سبتمبر 29, 2013 4:38 pm

انتظرونى الليلة مع القصة الثانية من كرنفال الرعب ....
صورة

صورة العضو الشخصية
قهر* وعزف الغروب
إداري سابق
إداري سابق
مشاركات: 13509
اشترك في: الجمعة مارس 18, 2011 9:24 pm

كرنفال الرعب القصة الاولى ( حتى الموت ) .

مشاركةبواسطة قهر* وعزف الغروب » الأحد سبتمبر 29, 2013 6:27 pm

لا اله الا الله محمد رسول الله

قصه ممكن تكون في متلها بحياتنا الحقيقيه , لكن عنجد شي مرعب لا يحتمل خصوصا لما تفقد الثقه بالناس كلها من حولك

وخصوصا اقرب الناس لألك

..

يا رب ما ارجع هون تاني :cool:

شكرا كنترول

رعب ما في بعدو

صورة العضو الشخصية
C0nTr0L
صديق 12 شات
صديق 12 شات
مشاركات: 198
اشترك في: الجمعة مايو 10, 2013 7:12 pm

كرنفال الرعب القصة الثانية ( عش الموت )

مشاركةبواسطة C0nTr0L » الاثنين سبتمبر 30, 2013 2:40 am

انا اسمى حسين انا مقبل على ال20 من عمرى طالب كان المفروض اكون فهندسة بدات الحكاية ببحث عن كانات الظلام قلت ادور يمكن افهم حاجة جديدة او ثغرة الله اعلم وبدات رحلة البحث على الانترنت صفحة تودينى وتجبنى وكمية الفضول لسة مش اشبعتها انا اسمع دايما ان الكتب فيها حقايق مواقع الانترنت ماتجبهاش وبردو مالقتش فالكتب فقدت الامل ونزلت الشارع اشم هوا وامشى فالشوارع الضلمة وابص يمين وشمال كانى بدور على حاجة معينة وسط منا سرحان وبفكر وبدور فالضلمة اتصل بيا صاحبى هيثن صحفى فمجلة خاصة بالغيبيات سالنى مالك حكيتلو كل الموضوع بالتفصيل انتهت المكالمة بطلبى المساعدة منه انى نفسى اعيش قصة من دول قالى هعمل كام تليفون وهدور فمصادرى ولو لقيت حاجة هقلك مرة شهر لحد ماهيثم اتصل بيقلى فى راجل بيقول انو عازل نفسو فشقته لو انت عاوز تقابلو هو مش موافق يقابل حد بس انا هاجى معاك ونحاول يمكن تكون خبطة صحفية وانت تعمل الى انت عاوزه وافقت واتفقنا وجهزت معايا ورق وموبايل واقلام هسجل يعنى هسجل الى هيحصل كان معاد لقائنا اخر الاسبوع قابلت هيثم وصلت لهيثم وكان عندو حالة تحفز ومعاه ورقة صغيرة وعامل مهم قوى قلتله ايه الى فالورقة الى فايدك دى قالى دى عنوان الراجل وهو بيتكلم انا خوفت بدون سبب هو قالى حسين فى ايه قلتلو انا قلقان قالى ماتيجى نلغى الحوار قلتلو لا ياعم بعد كل ده لا نكمل قالى بص انا سمعت ان المنطقة الى ساكن فيها الراجل دى وتعبيرات وشه اتقلبت وخدت منه الورقة لقيت مكتوب فيها العنوان عش الموت المكان ده زمان عبارة عن مساكن عشوائية صغيرة للغلابة والناس المهمشة كانو يسكنو المساكن دى مع انى بعتبرهم احسن ناس لحد مالناس القريبة بدات تسمع صوت بيصدر من منطقة عش الموت كانت صرخات لناس بتتعذب والناس الى فالمدينة كانو بيفكرو خناقات اتصلو بالشرطة ودخلو المنطقة واتضح الصرخات انها زادت بسبب ان الشرطة كانت صرخاتهم بتشارك صرخات المكان اتصلو بقوات خاصة بعد وفاة كل فرقة الشرطة الاولانية ومنجاش غير جندى واحد خارج يصرخ وعمال يجرى ومش عارفين فى ايه لكن لما شافو وشو لقو ان مالوش عينين كانهم اتأكلو خدو الراجل المستشفى وان عمال يقول كلام غريب والشياطين وسحب مشرط ودبح نفسو اى حد كان يدخل المنطقة دى ماكنش بيرجع تانى اتفقو يولعو فالمكان عشان الناس تخرج ومحدش خرج واول ماولعو الصوت خلص وبداو يسمعو صوت جى من بعيد مش صرخات صوت غريب جدا الكل عرف ان الى حصل شىء مش طبيعى القوات الخاصة دخلت مالقيتش ولا جثة لبنى ادم من وقتها المكان اتسمى عش الموت واتمنع الدخول فيه اول واحد سمعنا انو عايش هو الراجل الى معانا عنوانه عشان نروحلو والى حكالى كل القصة دى هيثم فقلتله انت مصدق قالى انا رايى اننا نمشى بس انا الى طلبت وكان لازم نكمل للاخر ورحناللمشوار الطويل ده بسبب ان المنطقة دى بعيدة ومنعزلة وصلنا بالنهار والمنظر مرعب جدا كانك واقع فبير وكل الى حواليك صخر اسود اصم ده الى حسيت بيه وجسمى كان بيترعش واسمع اصوات غريبة بتعدى واقول بيتهيالى الخلاصة كملنا الطريق بالعنوان الموصوف بيت صغير دور واحد بدون شبابيك والباب مسنود ريحة المكان غريبة جدا ريحة مش مريحة خبطنا على الباب واحنا بنخبط دعيت ان محدش يفتح ويطلع مفيش حد جوة سمعت صوت رجلين وجت واحدة ست فتحت ووشها كان قبيح جدا بصتلنا من غير مانتكلم انا رجعت لورا وقدمت هيثم يتكلم هيثم حسيتو اتخرص سالناها عن الحج ابو زكى الحاجة فضلت ساكتة وبصلنا وانا خابيف لتهجم علينا بعدت عن الباب وشاورلتلنا اتفضلو جوة البيت اسواء من برة البيت النور داخل من فتحات مكسرة وتحس انك جوة الليل الارض تحسها اثار حريق تحس انك فتربة شله الاحواش القديمة ومتركبلها باب مكسر عشان يبقا بيت قعدت افكر فاى ايه افتكرت ايه الكرسى بالعافية هيثم بيقول السلام عليكم لقينا من جوة صوت عميق بيقول وعليكم السلام لفيت عشان اسال الحاجة مين الى رد مالقيتش الحاجة ولا لقيت الباب ومكانه كان صخر والبيت عبارة عن صخر الراجل قلنا اتفضلو انا هفهمكو اتفضلو دخلنا المكان الى جى منه الصوت توقعت مارد هيطلعلنا الى شوفتو راجل قعيد على كرسى بعجل كبير بالسن وكرسى بعجل قديم جدا غير الصورة المرعبة الى كنت متخيلها جمب الكرسى عمود حديد متوصل فيه محاليل واصلة برقبته حاولت ابتسم اكسر الموقف الى انا فيه مش عارف اقول ايه سالته عن الحجة قلتله هى فين قالى رجعت للمكان الى هى طلعت منه قلتله الى هو فين قالى تحت رجليكو قلتلو ايه الى تحت رجلينا ثانية دماغى بتودى وتجيب واقول سلام قول من رب رحيم يارب عديها على خير يارب قالى انت بتوشوش نفسك كده ليه قلتله لا انا مابتكلمش انا بدعى قالى ماتدعيش تانى ومتقراش قران تانى قلتله ده يدايقك قالى لا هيدايقهم هما الى هما مين قالو الى تحتك هيثم قالو الباب فين قالو هو فى تربة بابها بيتفتح بالطلب كده انته فتربة يابنى هو بالساهل كده انا عارف انها مساكن عشوائية الراجل بص لهيثم وقالو خلى صاحبك يوطى صوتو عشان خاطرى بلاش تخليهم يرجعو هما لسة ماشين هما كانو هنا قلتله ياعم انا جى بدور على حاجات قالى اقعد بس ياحسين الله يكرمك قلتله عرفت اسمى منين قالى يعنى كل الى حصل ده ومش هعرف اسمك اقعد بس وانا هفهمك كل الى انت عاوزه ادينى فرصة اشرحلك ووطى صوتك واهدا وانا على فكرة عمرى مادخلت حد هنا انت وصاحبك اول ناس تدخلو مش اول بالظبط اقعد عشان عمك ابو زكى يحكى بص يابنى انا كنت سواق نقل بضايع وكنت كافى خيرى شرى وهى شغلانة صعبة لكن الحمد لله جالى ناس اكابر وكانو جايين بعربيات كتير وكان واحد زميلى قالى فى ناس بيسالو عليك بالاسم انت بالزات قابلتهم وقاعدين بيشكرو فيا مع الرئيس بتاعى فى ايه ياجماعة قالولى انت راجل امين وبتحترم مواعيدك احنا عاوزين ننقل صناديق خشب كده فيها سردين وقالونا عنك قلتلهم عارفين النظام قالولى الى انت عاوزه هتاخدو العنوان مكان قديم اهاليه سابوه ومشيو اسمه جزيرة عش الموت قلتله مفيش مكان تانى للتسليم قالونا احنا هنبنى هناك مصانع وهنحى المكان الفلوس اغرتنى ومحتاج فلوس وعندى ولد بربيه وبالفعل وافقت انقل الشحنة وانطلقت حوالى خمسة ونص وكان الجو شتا والجو ده بيخوف لوحدو من غير حاجة حتى لو بالنهار حملنا الشحنة حوالى 50 صندوق جبت معايا واحد من الرجالة بتوع الشحنة يونسنى فالطريق والطريق طويل والجو بيمطر وكنت متوتر الراجل الى جمبى متنح وساكت وقربنا من الجزيرة وانا بدعى يارب يطلع الى فالمكان مش صح ويعمرو المكان وعاوز اشتغل معاهم طالما هما واثقين فيا كده المشوار خد حوالى 4 ساعات وحوالى الساعة 10 كنا وصلنا الجزير ومفيش اى اضائة جواها ومشينا على كشافات العربية وانا قفلت الشباك الى جمبى كانو هيمنع حاجة يعنى عدينا كام متر وبدات نوعا ما ارتاح شغلت الراديو مش لاقط اى محطات قفلتو لاقيت صوت صارخة اول ماجيت اقفلو واستعزت بالله من الشيطان والراديو سكت بصيت للراجل الى جمبى الراجل متجمد وباصص لقدام وهادى ركزت على الطريق لقيت العربية تقيلة قوى فالحركة كانى انا الى بزوقها بقوتى وفجاة العجلة فرقعت ودى مصيبة انى اتفادى انها ماتتقلبش وبحاول اسيطر عليها وربنا ستر ماحصلش حدثة فاللحظة دى كشافات العربية بدات تروح وتيجى والرؤية بقت صاعبة وفثانية النور نور شوفت حد واقف قدامى مباشرة ده بقا ماعرفتش

صورة

افاديه لان الراجل كان عنيه مش زينا كانت لونها احمر وواقف وسط الضلمة وسط التهالك ده وهو كان قدام الكبوت فخبطه ودخلت فجدار بيت من البيوت صمت لمدة ثوانى خالص مفيش اى صوت ولا جوة ولا برة العربية مفيش غير نبض قلبى وعاوز اعيط والراجل الى كان معايا اختفى ندهت عليه مفيش رد عاوز ابص عليه وخايف مديت راسى ابص برة حوالين العربية فدايرة الضوء كانت اكبر غلطة عشان فى ايد عاملة زى الفحم محروقة طبقت فرقبتى رجعت لورا باسرع مايمكن والايد مش لوحدها جسم محروق بالكامل وكل همو يبقا فوقى تماما عنيه هى اللون الاحمر الى انا شوفتو فضيلت اتحرك واعمل زى الاطفال واهزو بس ماكنش قدامى حاجة وازقو بادية واديا تغوص فجسمه للاسف مسكت ايده طلعت فايدى رجع الشىء ده لورا وصرخاته كترت جدا حسيت انهم كتير ناس كتير بداو يبقو جمبو بنفس شكلو اكتر من 10 كلهم محروقين اهل الجزيرة الى اتحرقو هما جايين ينتقمو انا مكنتش عايش لما الجزيرة اتحرقت بداو يخبطو على العربية كلهم لحد مافلحظة كل حاجة سكتت وانا مغمض عنيا وانا بقول يارب وهما رجعو لورا وبعدو كلهم الا واحد ومن المؤكد انو مش واحد دى واحدة صرخت وفضلت تخبط بقوة وانا مشلول مكانى بعدها حصلتهم ومشيت لكن حسيت بحاجة ورا العربية بتحصل الصناديق الصناديق من غير وعى فتحت الباب وطلعت على اساس انى الم الصناديق لقيت الصناديق مرمية فوجئت لقيت الراجل ورا العربية الى كان معايا وهو بيحدف الصناديق ليهم كانو بيناولهالهم بس مكنتش سردين كانت اعضاء بشرية وهما ياخدوها منو وياكلو وانا مبرء بصلى الى كان جمبى ويقلى معلش ياعم الحج بقا ده معاد سنوى ماتقلقش انت كده عملت الى عليك بس فى حاجة احنا محتاجين حد يقعد معاهم السنة دى قلتلو واحد مين قالى امال احنا جايبينك ليك انت الى هتقعد معاهم السنة دى ولفو حوالية كلهم ومن وقتها وانا هنا لمنى عايش ولا منى ميت وفضلت ساعتها اجرى فالشوارع دى واتكعبلت ولما فوقت من الصدمة لقيتنى بالمنظر ده وعمرهم ماسمحو لحد يزورنى الا انتو سايبنى على امل انى هجيب فيوم شاب مكانى يكمل قلتله يكمل ايه قالى واحد فيكو كده بقا يكمل مكانى ماهما لازم ياخدو واحد عش الموت مايدخلوش غير الموت قلتلو ياعم الحج انا همشى وانا مش مصدق وكانت كلمة منيلة عليا وفجاة الحيطان خرج منها الاشكال الى كان بيوصفها طلعنا نجرى هيثم قالى مفيش وقت مفيش غير الشباك العالى ده هيثم شبكلى عشان اطلع وعلى طول طلعت الشباك ونطيت لبره قلتلو يلا لكن كانو اتلمو على هيثم زى مايكونو بياكلو وشدوه لقيتهم مجهزنلو كرسى وانا ببص من برة بعدها دخلت المستشفى ازاى معرفش ونقلونى المصحة ازاى معرفش ومحدش كان مصدقنى وقررت انى اكتب انا ماسبتش المصحة انا مش مجنون فى ناس كتير قبلى اختفت زيى هيثم هناك دلوقت هيرجع ياترا ينتقم منى انا مش عارف انا مش عاوز ارجع هناك عش الموت مش مكانى انا مش عاوز اموت مش عاوز اشوفهم تانى والله العظيم انا مش مجنون انا مش مجنون وربنا يشهد عليا انا مش مجنون .......

صورة العضو الشخصية
انا مش ملاك
عضو مبدع
عضو مبدع
مشاركات: 9407
اشترك في: الجمعة يونيو 03, 2011 7:31 pm

كرنفال الرعب القصة الاولى ( حتى الموت ) .

مشاركةبواسطة انا مش ملاك » الاثنين سبتمبر 30, 2013 4:12 pm



انا من هؤلاء الاشخاص الذين لا يصدقون قصص الرعب الخيالية

اقتنع فقط إن رأيت الحدث أمامي ( بعيد الشر :> )

او سمعته من فم المفعول به مباشرة .. :roll:

لم انهي القراءة .. سأعود لإتمامها

لكني أحببت أن أشكرك أولاً ..




العودة إلى “منتدى القصص”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائران

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين وزائران