• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

الحدق يفهم..!!

في هذا المنتدى يمكنك كتابة قصة من بنات أفكارك، مناقشة فكرة قصة، او عرض قصة أعجبتك ليطلع عليها الأعضاء وزوار المنتديات الآخرين
صورة العضو الشخصية
شيطلائكية
عضو مميز
عضو مميز
مشاركات: 7139
اشترك في: الأحد يوليو 03, 2011 4:09 pm

الحدق يفهم..!!

مشاركةبواسطة شيطلائكية » الاثنين ديسمبر 17, 2012 5:46 pm

كان عندي بيت ووقع واشتريت بيت تاني وجيت أشطبه سألت الناس مين احسن مقاول ف السوق قالولي في اتنين ف السوق الاولاني مش ملتزم بوقت اوي بس يعرف ربنا بس التزاماته نص نص ومواعيده مش مزبوطه والتاني مقاول عامل المطار بس وشاطر قلتلهم لاء انا مش عاوز الي عامل المطار انا عاوز مقاول على قدي ويلحقني

خلاص مضيت معاه عقد وخد عربون وغبت خمس ايام ورجعت لاقيتو عاممل الريسيبشن بلون تاني قلتله لاء دا مش اللي انا وانتا اتفقنا عليه واتخنقت معاه قالي لاء لاء انا عملت اللون ده بااغلبية الصناعيه .. قلتلو انا عايز لون فاتح يدي براح .. قالي مش هينفع قفشت منه ورحت قعدت ازعق قدام البيت , راح لم الصناعيه وقاعد يخطب فيهم سابني قدام البيت ومعبرنيش

اتجننت ورحت اشتكي لكل الناس رحت لبتاع الكرانيش ف السقف قلتلو ينفع كده ؟ قالي مش عاجبك روح كندا . . سالت بتاع الصحي المواسير متركبه غلط وهنروح ف داهيه .. قالي لو حصل حاجه قول يامقاولااااه وهتلاقي كل حاجه زبطت وزي الفل ,حتى في راجل وقور كده رحت اساله اقلو يامولانا ينفع كده قالي دا عشان انتا مشاركتش ف الانجاز , ورحت لصانعي منهم كنت بحبه قلتلو ينفع كده .. قالي انا سعيد جدا باللي بيحصل دهوسعيد بالسؤال ده

قلتلهم مش هينفع كده انا عايز العربون بتاعي .. قام الصناعيه قالو لالا عربون ايه بس , راحو عامليين قدام البيت مظاهره وسموها جمعة حمايه العربون .. قلتلهم انا ماضي عقد .. قالولي احترم العقد .. قلتلهم احترموا انتو العقد.. انا وانا بمضى العقد مخدتش منكو ضمنات غير الضمنات الشفويه بس خدت منكو عهود وانتو معملتوش بيها انا معترض على اللي بيحصل ده وعلى انكو منفزتوش الوعود .. قالولي الاعتراض مظهر صحي .. قالولي ارفع قضيه , رفعت قضيه حددتها جلسه الخميس .. طبقوا تلات واربع وخميس .. قفلوا البيت .. بس قفلو البيت ع مزاجهم وعملوه كله شبابيك اي حد يقدر يدخل البيت

وخلصت القصه على ان انا لسه ف الشارع وخناقات وخلافات وتطلعلي ناس تقلي ياريتك كنت خدت المقاول الاولاني .. قلتلهم الاولاني زي التاني مفرقوش عن بعض لان الاولاني ليه جماعته بردو لان التاني اللي انا اشتغلت معاه عمل اللي كان بيقول عليه المقاول الاولاني

الاختيار دلوقتى بقا الي حطنهولي يا اما اخد الاوضه
اللي ف الروف ع السطوح ياما الاحتكام بقا لصندوق البريد

انا عاوز ارجع العربون ياناس



قصه راقت لي جداً من واقع الحياة المسيطر على الساحة المصرية
مستوحاه من الكاتب الساخر عمرو طاهر بعنوان الحدق يفهم !
يا ترى فهمتوا مثل ما انا فهمت ؟!

تحياتي
ميريهان

صورة العضو الشخصية
Āļ฿ ĢĦáļỷ
عضو نشيط
عضو نشيط
مشاركات: 2759
اشترك في: الثلاثاء أغسطس 10, 2010 10:04 pm

الحدق يفهم..!!

مشاركةبواسطة Āļ฿ ĢĦáļỷ » الاثنين ديسمبر 17, 2012 5:58 pm

عمر طاهر ده اقرع وإسلوبه روعه :>
اسقاط جميل

بس عن نفسي انا مش ندمان لإن مكنش متاح لينا غير اختيارين
ومكنش ينفع بأي حال اختار الصنايعي اللي عامل المطار

ومش هينفع العربون يرجع لازم الصنايعي يكمل صحيح هو لسه مش صنايعي اوي وغلطاته كتير
بس خلينا نقول ربنا يوفقه هو مش هيرضي كل الزباين مهما عمل :roll:


ولو مش عاجبك غيريه بعربون جديد في صندوق البريد
كلها 3 سنين :roll: :frown


صورة العضو الشخصية
AMAZZING
عضو نشيط
عضو نشيط
مشاركات: 2048
اشترك في: السبت يوليو 30, 2011 10:55 pm

الحدق يفهم..!!

مشاركةبواسطة AMAZZING » الاثنين ديسمبر 17, 2012 5:58 pm

نايس يا ميري
تسلم ايدك

صورة العضو الشخصية
شيطلائكية
عضو مميز
عضو مميز
مشاركات: 7139
اشترك في: الأحد يوليو 03, 2011 4:09 pm

الحدق يفهم..!!

مشاركةبواسطة شيطلائكية » الاثنين ديسمبر 17, 2012 6:10 pm

[quote="Āļ฿ ĢĦáļỷ"]
عمر طاهر ده اقرع وإسلوبه روعه :>
اسقاط جميل

بس عن نفسي انا مش ندمان لإن مكنش متاح لينا غير اختيارين
ومكنش ينفع بأي حال اختار الصنايعي اللي عامل المطار

ومش هينفع العربون يرجع لازم الصنايعي يكمل صحيح هو لسه مش صنايعي اوي وغلطاته كتير
بس خلينا نقول ربنا يوفقه هو مش هيرضي كل الزباين مهما عمل :roll:


ولو مش عاجبك غيريه بعربون جديد في صندوق البريد
كلها 3 سنين :roll: :frown





مهو على بال ما الصنايعي الجديد يتعلم ويعمللنا اللي احنا عايزينه عايز وقت
وهنفضل ف الشارع طول الوقت لان هو مش بيسمع غير كلام الصناعيه بتوعه
ومطنشني ع الاخر

وبعد التلات سنين دول يكون عمل بيت يضمن فيه انو مايطلعش منه لا هوه ولا الصناعيه بتوعه

αℓɢєηєяαℓ
إداري سابق
إداري سابق
مشاركات: 11097
اشترك في: السبت أغسطس 21, 2010 1:43 pm

الحدق يفهم..!!

مشاركةبواسطة αℓɢєηєяαℓ » الاثنين ديسمبر 17, 2012 6:51 pm



كثيراً ما تعكس الــسخرية الواقع الصعب الذي نعيشه
وانا شخصياً من المعجبين جداً بالكتابات من هذا النوع

فعلاً الحِدق يفهـم ...
... ومنهآ يُفهم الكثير !

اختآه ...
كل الشكر لجهودك
تحياتي ,,

صورة العضو الشخصية
شيطلائكية
عضو مميز
عضو مميز
مشاركات: 7139
اشترك في: الأحد يوليو 03, 2011 4:09 pm

الحدق يفهم..!!

مشاركةبواسطة شيطلائكية » الاثنين ديسمبر 17, 2012 7:03 pm

[quote="MuЯaĐ AmjaĐ"]


كثيراً ما تعكس الــسخرية الواقع الصعب الذي نعيشه
وانا شخصياً من المعجبين جداً بالكتابات من هذا النوع

فعلاً الحِدق يفهـم ...
... ومنهآ يُفهم الكثير !

اختآه ...
كل الشكر لجهودك
تحياتي ,,




تسلم مرادانتا انسان فكرك راقي واحترم
طريقتك ف التعبير عن رأيك

صورة العضو الشخصية
` solo `
عضو نشيط
عضو نشيط
مشاركات: 2496
اشترك في: الأربعاء نوفمبر 09, 2011 1:41 am

الحدق يفهم..!!

مشاركةبواسطة ` solo ` » الاثنين ديسمبر 17, 2012 7:47 pm

ههههههههههههههههههههههههههههههههههههههه

موضوع دمه خفيف وضحكنى اوى

تسلمى ميرى حبيبتى لاختيارك للمواضيع

الموضوع مش محتاج حداقة باين بتتكلمى عن مين :>

بس اللى معاه مش صنايعيه دول اصحاب بيت

زيهم زينا بالظبط ومش نزايد عليهم

واللى هيحسم كل المشاكل الصندوق

ولازم الكل يحترم النتيجة لانها من اختيار الشعب

وربنا يصلح الحال


العودة إلى “منتدى القصص”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد