• منتديات بابونج

    منتديات بابونج، منتديات ثقافية متنوعة، تعرف على اصدقاء جدد وشاركهم معارفك وآرائك في بيئة نقاشية مفيدة

تعالى أقولك ازاى تعرفى شخصية عريسك

هذا المنتدى مخصص لمحبي الفكاهة فقط، تجدون هنا نكت ونهفات ومقالب جديدة وحديثة كتبها أعضاؤنا لادخل البهجة والسرور على القراء والأعضاء الآخرين
صورة العضو الشخصية
♥♥ نورالهدى ♥♥

تعالى أقولك ازاى تعرفى شخصية عريسك

مشاركةبواسطة ♥♥ نورالهدى ♥♥ » السبت يناير 07, 2012 12:58 pm

صورة


حبيباتى البنوتات ,,,كتير اوى بنشترى منتج ونتسك فيه

ونقول عادى مش مشكلة ,,,,انما بئا لما يبقى عريس ,,,,نعمل ايه عشان نلحق نفسنا

قبل ما نتقرطس صورة

اكتشفى شخصية عريسك من طريقة أكله فى اول عزومة ,,,,,,, هتعرفى القدر مخبيلك ايه؟؟ :mrgreen:


شوفى بئا انتِ وهى وركزوا كويس


1- إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. يبقى شخص معتدل في عواطفه وقراراته ويبقى ده آخر الرجال المحترمين.. كلبشي.. واستعجلي الزفاف والحياة هتبقى بمبي


2- إذا كان بيحب الأكل زي عنيه.. وأول ما يدخل من الباب وقبل مايقول لك ازيك يقول لك ريحة التقلية تجنن ياروحي إنتوا عاملين ملوخية بالأرانب؟؟.. أموت أنا.. ويقعد ياكل ويحشر لحد ما يغمى عليه..صورة
يبقى إنسان طفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟



3-أما إذا كان مش مهتم بالمرة.. لايقولك ده حلو ولا مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان
يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست في وقت واحد


4- أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني.

يبقى متسرع.. ومتهور في اتخاذ قراراته وممكن بعد الجواااز يكتشف إنك

لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..

إخلعي إنتي بدري أحسن لكرامتك.



5- أما إذا كان بياكل على مهله.. ويمزمز.. ف كل صنف لوحده.. ويسأل عن كل صنف إيه مقاديره ومعمول إزاااي ويقعد يستطعم في الأكل من العصر للمغرب .
حاسبي منه يا اختي ده النوع اللي له مخ.. وبيوزن الأمور بطريقه تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟
نظااااام شلل رعاش صورة
بدري.... بدري....
إخلعي ياما انتِ لسة صغيرة عالشلل


6- أما إذا كان بيقعد يقطع ف الأكل زي مايكون ف خناقة ويخبط ف الطبق من الغل.. ويقطع حتة اللحمة زي ما يكون بيدبحها.. ويتكلم.. طول ماهو بياكل لما يغرق وشك أكل..

ده شخص عصبي جدًاااا..صورة ومع أول خناقة هايروح مناولك بالكرسي ف راسك أو

بالسكينة ف عينك يعمل لك عاهة مستديمة وبعدين.. يهدى.. ويقول لك:

"سوووري يا روحي هي جت فيكي؟,,,,,,,,معلش متزعليش

,,معلش انت ,, برَّه يا حبيبي وخد الباب ف أيدك""صورة




7- أما إذا كان دايمًا قرفاااان دايمًا مش عاجبه العجب ولا الصيام في رجب.. يع..
الملوخية تقيلة.. ياي.. السمنة كتيرة على وش الشوربة.. ياساتر.. دا محشي ولا صوابع
مووووز.. أووووف.. الرز محصويل.. يامَّه المكرونةمعجنة..
إذا كان كده توكلي على الله وهاتي أحمى ساطووووور عندك وأنا أعرف لك واحد محامي هايطلعك منها زي الشعرة من العجيييين
والأحسن من ده كله.....










مالها القعدة ف بيت أبووووووووكي؟؟

ما احنا قاعدين اهو وآخر دلع :mrgreen:

صورة العضو الشخصية
fa2ed ` el2lOb
عضو مشارك
عضو مشارك
مشاركات: 1916
اشترك في: الأحد أكتوبر 02, 2011 2:15 am

تعالى أقولك ازاى تعرفى شخصية عريسك

مشاركةبواسطة fa2ed ` el2lOb » السبت يناير 07, 2012 1:09 pm

:shock: :shock: :shock:
طيب انا عندى فكره متجوزوش احسن
واقعدو ف البيت عنسو
وتريحو دماغكم
:mrgreen: :mrgreen:

صورة العضو الشخصية
♥♥ نورالهدى ♥♥

تعالى أقولك ازاى تعرفى شخصية عريسك

مشاركةبواسطة ♥♥ نورالهدى ♥♥ » السبت يناير 07, 2012 3:47 pm

[quote="BoOoMpA"]
:shock: :shock: :shock:
طيب انا عندى فكره متجوزوش احسن
واقعدو ف البيت عنسو
وتريحو دماغكم
:mrgreen: :mrgreen:



وهو ايه اللى حاصل غير كدا؟ :mrgreen:

صورة العضو الشخصية
ROZALIA
عضو نشيط
عضو نشيط
مشاركات: 2635
اشترك في: الأحد ديسمبر 26, 2010 3:47 pm

تعالى أقولك ازاى تعرفى شخصية عريسك

مشاركةبواسطة ROZALIA » السبت يناير 07, 2012 4:00 pm

ههههههههههههههههه

حلوة كتير القعدة في بيت ابوكي:mrgreen:

صورة العضو الشخصية
ba7aralkalam
إداري سابق
إداري سابق
مشاركات: 11051
اشترك في: الأربعاء أكتوبر 24, 2007 1:06 am

تعالى أقولك ازاى تعرفى شخصية عريسك

مشاركةبواسطة ba7aralkalam » السبت يناير 07, 2012 4:02 pm

:> :> :> :> :> :> :> :> :>

يسلموووووووو دياتك نواره


تم التثبيت

soujood αℓro7
عضو مميز
عضو مميز
مشاركات: 8001
اشترك في: الأحد مايو 16, 2010 2:43 pm

تعالى أقولك ازاى تعرفى شخصية عريسك

مشاركةبواسطة soujood αℓro7 » السبت يناير 07, 2012 4:03 pm

هههههههههههههه

القعده حلوة في بيت ابويا فعلا ..



ونبقي من الكام مليون عانس في الوطن العربي :oops:


هههههههههههههههههه


ظل راجل نواره ولا ظل حيطة يا اختي


نايسوو توبيك :wink

صورة العضو الشخصية
Aмєяt Alиɢмαt
صديق 12 شات
صديق 12 شات
مشاركات: 47
اشترك في: الاثنين يوليو 19, 2010 8:36 pm

تعالى أقولك ازاى تعرفى شخصية عريسك

مشاركةبواسطة Aмєяt Alиɢмαt » السبت يناير 07, 2012 4:04 pm


يعنى في امـــــل

:roll: :roll: :roll:


العودة إلى “نهفات نكت ومسابقات”



الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 0 زائر

المتواجدون حاليا

المستخدمون الذين يتصفحون المنتدى الآن: لا يوجد أعضاء مسجلين متصلين و 0 زائر